بسم الله..
قراءه ممتعه..
#خمس بتلات
________
دخل ابو شيماء وكال:
السلام عليكم ردو السلام كعد وكمل ...
اخوي ابو حيدر اعرف انو انته تريد مصلحة الولد وتريدهم واحد للثاني .. بس احنه هسه بجيل غير الجيل التربينه عليه قبل ، شباب هل وكت هم الهم حق اختيار شريك حياتهم وهاي عشرة عمر واحنه مانكدر نجبرهم بس والله على ابو هذا ابن عمج وهو اولى بيج من الغريب بناتنه مو زغار وهم بعد ولدنه شباب همه اعرف بمصلحتهم ...
قاطع ابو حيدر بعصبيه وكال:شقصدك من هذا الحجي همه ولد عم واحنه من الزغر نهينه على البنات وشيماء لحيدر وحوراء لعباس وخلصت السالفه بعد المن تعقدونها. ؟
ابو شيماء : حبيبي ابو حيدر تره شيماء بنتي وبعدها زغيره وانه ماريد ازوجها هسه وهم هيه بعدها تريد تكمل دراستها وانه ماامنعها من طموحاتها واخرب مستقبلها علمود تتزوج ابن عمها ...
حيدر هو كوه كاض روحه: عمي اصلا انه مااريد شيماء ولا حاطها بالي انه بالي بنيه ثانيه ورايدها على سنة الله ورسوله ..
قاطع ابو وهو يصيح : نجب ولك هم صاير زلمه وتحب وتتمعشك هو بكيفك ابن النعال انه ابوك وانه ادره بمصلحتك .. وياهي هاي طايحت الحظ التحبها عود معتبرها شريفه هي التحجي ويه الولد اكبر ساقطة
حيدر هو يعلي صوته بوجه ابو: بويه شبيك شسالفه كتلك هسه زاني وياها هوا بس احبهاااا
رفع ابوه ايده بوجهه وراد يضربه وكضو ابو شيماء وابو عباس كوه ...
ابو حيدر بصايح ; ولك ابن الخراا تعلي صوتك بوجهي علمود وحد كح....انه اعلمك اله اربيك من جديد ابن الكلببببب
ابو عباس:خويه هدي رحمه لموتاك اهدء هسه يرتفع ضغطك وين نوديك....ولك حويدر ولي اطلع بره خزره بعينه يأشرله حتى يطلع ....
طلع حيدر وهو معصب كلش ويريد نفجر وطلع عباس وراه وكال:
حيدر اهدء شبيك هسه يطفرلك عرج وبعد حته غندورتك ماتريدك ...
حيدر من بين سنونه : ولك عبيس تسكت لا اشكك شك بعلي ...
اجو كاظم ومصطفئ وعلي وكال كاظم:
تره اعرف احنه غربه ومالنه حق ندخل بس ابوك ماله حق يجبركم على شي انتم ماتردونه هو وين عايش شهل تخلف هذا ...
حيدر: عايش بلعصر الحجري خرب حضي لأن صرت ابنه انعل ابو اليوم الصرت بي ...
علي هو حاط ايده على جتف حيدر: حبيبي حيدور هدي محد اله حق يجبركم هاي حياتكم ولا انته ولا البنيه موافقين بعد شكو جبر خوماجبر بس انته على كيفك هذا بنهاية ابوك وانته لازم تحترمه وماتعلي صوتك بوجه وكلشي ينحل بالهدوء مو بالصياح و العصبية .. استغفر الله الله يهدي ابوك ...
أنت تقرأ
بتلات شائكه. (متوقفه حالين )
General Fictionفي احد أطراف محافظة جنوبيه من محافظات العراق، تنبتُ تلك البتلات الخمسَ، لكل واحدة منهن قصة، حاظر مستمر، ماضي مجهول.. تلك البتلات اللواتي بياض قلوبهن الساطع، هل سيبقى هذا البياض ام يتحول إلى سواد بسبب عدم الرحمه التي يتعرضن إليها؟ يتعرضن لـ تحرش ا...
