بتلات شائكه. (متوقفه حالين )

البارت 7

بسم الله..
قراءه ممتعه..

#خمس بتلات

________

حطيت الفلوس يمها وكلت  : العقد البيناتنه خلص... ومن هاي لحضه اريدج تنسيني...ولا اجيبين اسمي ابد... هاي فلوسج ولا ادوخيني بتصالاتج بعد ..

افترت عليه وضرب شعرها بوجهي وكالت: حبيبي بعد وكت احنه متفقين نبقه شهر وهسه ماصارلنه غير عشرين يوم بعد عشر ايام اله يخلص ... شدعوه مستعجل..

ضحكت وحطيت ايدي بجيبي وكتلها : والله عاد بكيفي انه...عشر تيام.. عشرين يوم كافي شبعت منج ...

حطت ايدها على صدري وحجت: حبيبي حشتاقلك ليش مانتونس اليوم سويه وبعدين روح ..خلصت كلامها وهي تقرب شفته مني ..

درت وجهي عنها وكتلها: لاحبيبي اريد اخلي حيلي لعرسي.. وبعدين اليوم عفتيني باجر تلكين احسن مني ..هو هذا شغلجن..؟

غمزتلها واجيت اروح ..لزمتني من ايدي وكالت: ليش تحسسني اني وحده كح** ومليت مني ...

علي: هههه غلطانه انتي تختلفين هواي عن الكح** لان الك*** يمشن بلحرام واحنه نمشي بحلال ..

ردت بدلع: ايي ياروحي احنه كلشي ولاالحرام نمشي بحلال ...مم زين كلي منيه هاي سعيدة الحظ.. ورح تزوجها زواج دائمي لو...

قاطعتها :  اولا  معليج ، ثانيا ماسمحلج هاي بنيه شريفه وبنت ناس محترمه ماتمشي بدروبجن .. وانه متاكد راح تكون زوجه وام صالحه لابني ...

: ههههه كال شريفه كال ...نزين طلعت شريفه عبالي وحده منه.. بسس اذا عاجبتك وداخله ابالك...
اخذها فتره وطلكها ليش حتى تربط روحك بزواج ابدي ها..؟

علي: وانتِ شعليج؟ هذا الشي خاص بيه وبحياتي ..يلا في امان الله..

حضنتي من وره وكالت:شبيك لا اضوج داشاقه اني..بس وربي ماشبعت منك..و حشتاقلك ياريتك تضل ليليه يمي ..

علي وخرت ايديها وطلعت ...

طلعت اتمشه والجو بارد كلش: انه منا وهيج راح ازوج وحوراء راح تصير زوجتي وام لحسوني
..ولازم اخذ وعد على روحي ابتعد عن هذا الطريق وهاي السوالف .. صح الحمد لله ماملشي بطريق الحرام ولا راح امشي بس حوراء رح تكون زوجتي وكلشي بحياتي ..

اجيت اصعد بسيار وسمعت واحد صاح عليه : عليي

****

عباس: هيي ولك  حويدر اتوقع راح تمطر انزل خلينه نرجع لبيت ...

حيدر هو يلبخ : ابو البيت كال اذا شفتوها مطرت روحو خلي تمطر ونروح ..

عباس : اهوو ولك والله تعبت من الصبح لهسه جوعان.. وبردان... ايبا ههسه مال شاميه وهيتر.. وفلم رومانسي... اويلي

حيدرر: دنجب كافي يله خل نخلص وعود نروح... تاكل وتشبع والفلم تنساه... لان بس تشبع كرشك تخرش وتروح بسابع نومه..