بتلات شائكه. (متوقفه حالين )

البارت 10

قراءه ممتعه..

#خمس بتلات

________

حوراء:

اطياف كالت العرس الجمعه... واليوم اربعاء يعني بعد يومين... باجر تجي عمتي تاخذني للصالون حته احف واصبغ شعري لان علي يحبه هيج...

مادري محتاره بعد جم يوم عرسي متوتره خايفه كلبي يرجف... رفعت راسي للسماء وكلت: يارب عدي هاي الايام على خير...واكتبلي ايام حلوه ويه علي... فزيت من صفنتي وانه احس باوحد يحضني من وره لتفتت وشفتها رقيه ...

حوراء بتفاجئ : رقيه..هاي انتي.. هلا بيج ياكلبي شهل مفاجئه الحلوه ...

ردت عليه وكالت : ها كلبي شرايج بلمفاجئه عبالج تعرسين ومانجي شلون مانحضر عرس حويره ..

انتبهت لطياف واكفه وعلامة السؤال على وجه.. كاتلها الفضول تريد تعرف منو هاي...  اجت شيماء وسلمت عليه.. وبعدين عرفتها على اطياف ...هاي رقيه تصير بت عمنه وبيتها بالنجف ماتجي دوم..

اطياف:هلاو بيج رقيه ..انه اطياف اصير بنت عم علي...

كعدنه وضلين نسولف ورقيه مابطلت حجي ابد عبالك بالعه مسجل ...وكل شوي وسألت على عباس...

شويه وقاطعنه صوت حيدر وعباس وهو يصيح: حسنه ام لبن هذا المسواك لعرسج... واريد عوض عن التعب  اسويلي كيكه بس اليه ماانطي منه لاحد ..

طفرت رقيه وراحت تركض من سمعت صوت عباس :هلووو شلونك عبوسي شخبارك شتاقيتلك ..

عباس فتحت عيونه بطريقه اضحك وكال :دخيلك ياعلي... هااي منين طلعتي شجابج.. لاهلا ولامرحبا ...خرعتيني...

رقيه بعبوس :هاي شبيك..بسمالله عبوسي حرام عليك ... جرحت مشاعري صارلنه سنين مامشاوفين وتالي هيج تستقبلني ..

عباس وهو ينطي المسواك لبثينه : فلك طرج هيه كلها سنه من جنت يمكم شمسرع اشتاقيتيلي ..

رقيه: غيرر انت صديق طفولتي شلون مااشتاقلك قابل انه احساسي ميت نفسك...

عباس : هههه ولج ياصديق طفوله.. اشو جنت وين مااشوفج اكتلج هههه... لج حتى ناسيج مااعرفج هسه عرفتج من كلتي خره عبوسي... بابا عباس عباس اسمي لا تغيرينه لخاطر كصايب زليخه...

رقيه : ههههههه حاضر عبوسي... شويه وسلمت على حيدر... شلونك خويه حيدر

حيدر: هلا بيج خيتي نور البيت ..

رقيه: منور ب اهله..

طفر عباس وكال: ولج اشو ماتحترميني مثل ماتحترمين حويدر خير سالمين...

رقيه : حيدر اخوي الجبير واحترمه.. وانت صديق طفولتي شكو محترمتك...

عباس: هم كالت صديقي طااح حضج وحضي..

حيدر: عوفو العرك هسه... عدكم ايام هواي وتعاركو بيهن... يله بنات حضرن الغده...

ضحكنه عليهم وعلى خبالهم... دومهم هيج عرك.. من الطفوله... جانو يمنه بس من انتقلو عاشو بالنجف محد شافهم بعد وهاي صارلهم سنين كاطعين بينه .. وهسه اجو علمود العرس... اخذنه المسواك ودخلنه للمطبخ...