بسم الله..
قراءه ممتعه..
#خمس بتلات
#✨ورِدات أبونِـا✨.
________
كاظم
خلصت ايام التحاقي ونزلت .. والحمدلله لگيت حالة كلثوم متحسنة شويه بوجود تحسين هنا.. لا لگيتها منهاره ولا مگصكصه ايديها ولا شي حالتها زينه الف الحمدلله..
نامت وطلعت بلهول انطتني ام تحسين الجاي وكعدت وكالت : يمه ادري هل موضوع يضوجك وماتريد تحجي بي ، بس انت كبرت يايمة والعمر يمشي ولازم تزوج وتسويلك عائلة مريه تدير بالها عليك فريخات يتانونك لمن تجي ويلاگونك بابا وبابا .. ورفيچة لاخيتك همين .
كاظم : والله التفكير والحجي سهل ياام تحسين بس الفعل صعب ذكريات هيامي ماجاي تفاركني ابد.. بكل لحظة احسها وياي ..
ام تحسين : ماكلك لا بس هاي انت اربع سنوات راحت من عمرك رجعت المرحومه؟ لا بس تمرد بروحك يايمه شوفلك بنيت الحلال وتزوج احسن الك وروح ابوي
اجهزها بيدي وعرسك كله انه اوگفله
ابتسمتلها : ماتقصرين يروحي ان شاء الله افكر بهلموضوع ..
لليل خابروني الولد طلعت وموضوع الزواج خليته ببالي وگلت صحيح لازم انسى الماضي وابدي حياة جديدة ومستقبل جديد....
وصلت لبيت الشباب ودخلت كعدت يمهم وسوالف وضحك بس حيدر مو ويانه مادري شبي حطيت ايدي على جتفه : هنياله لشاغل بالك...
ابتسم وكال : شباب خليني اكون صريح وياكم وبلااخص انته علي ...
علي بتفاجئ : انه؟..ليش شنو صاير احجي ...
حيدر: علي انته اكثر وحد تعرف انه شنو يدور بالي وشنو اريد بضبط انه اريد اخطب اطياف على سنة الله ورسوله بس مشكلتي انته واهلك معارضين جانت حجتك الدراسه وهسه خلصت الدراسه واجت العطله والحمدلله اطياف ناجح وطالعه امتياز على كل الصفوف ماكافي خلون نزوج ونخلص ...
ضل علي صافن وماعرف شيرد لايكدر ويكله موافق ولايكدر ويكل مااكدر انطيها الك محتار شيجاوب ...
كاظم : حيدر مسودن ضل يخوزر بعلي وهذا يستحي ماعرف شيجاوبه .. تحمحمت وگلت : شباب خلونه نحل هاي السالفة بهداوه .. ونتفهم ليش علي مايقبل ورافض؟
حيدر : السالف واضحه كاظم علي يكول انه مو مناسب الها ومايريد اطياف تاخذ شخص مثلي مو صح ...
علي : ولك حيدر تخبلت شبيك انته انه انه الافكر بهاي الطريقه انتم اكثر اشخاص تعرفوني شلون تفكر انو هذ السبب اليخليني ارفضك انه لو راجعتلي اكلك اخذها من باجر .. بس انه اكول اطياف بعدها صغيره ومو مال مسؤلية زواج وعيال..
حيدر : وشعدنه احنه ومسؤوليه شبيك علي؟ تره امي خالتها وانه احبها احبها تفتهم شنو احبها يعني ابيع الدنيا كلها واشتري راحتها وضحكتها ، وهيه هسه رح تصير ١٨ يعني مو صغيره
أنت تقرأ
بتلات شائكه. (متوقفه حالين )
General Fictionفي احد أطراف محافظة جنوبيه من محافظات العراق، تنبتُ تلك البتلات الخمسَ، لكل واحدة منهن قصة، حاظر مستمر، ماضي مجهول.. تلك البتلات اللواتي بياض قلوبهن الساطع، هل سيبقى هذا البياض ام يتحول إلى سواد بسبب عدم الرحمه التي يتعرضن إليها؟ يتعرضن لـ تحرش ا...
