بتلات شائكه. (متوقفه حالين )

البارت 6

بسم الله..
قراءه ممتعه..

#خمس بتلات

________

شيماء:

كاعده بحديقة بيتنه ومخليه كتابي كدامي... اريد اراجع اريد احضرر للامتحانات... ماكوو عقليي مسكر على كولت السورينين ههه...

مليت واخذت موبايل دخلت على الفيس بوك وشفت كومه رسايل هاي شكد صارلي مافاتحه التهيت بالصار بالدوام وسالفه الزواج الطلعها عمي ... طلعت هل موضوع من بالي مااريد اذكره لان ينفرزني...

شويه وصلتني رساله من ــــالضلع كاتب ...

: شلونه الحلوو

مدري شنو جان احساسي بوقته بس شعور كلش حلو... ابتسمت وكتبت : تمام بشوفتك ..
بسرعه كتب..

: وين مختفيه شمه... طبعا تعرفين مشتاقلج... هاي صارلج شكم يوم ماكو مختفيه سالت عنج كالو مامتواجده... ادخل مااشوفج موجوده اخلي واطلع... تعودت عليج واذا مر يوم مااحجي بيه وياج احسه فارغ.. فعلا انتي صرتي صديقه عزيزه عليه..

كتب كل هذا الحجي برساله وحده عبالك جان منتضرني ...

مدري ليش كلش فرحت بكلامه والابتسامه ترست وجهي.. هاي شبيج شيماء صحصحي على روحج هذا مو اول واحد تحجين وياه ههه... رجعت كتبتله

: هههه شنو جنت منتضرني

: اي والله كلش مشتاقلج ضلعتي

توترت ومعرفت شحجي حاولت اغير الموضوع...

: انت شلونك

: زين اني بس انتي... وين جنت مختفيه

جاوبت بدون مااحجيله شصاير بالبيت..

:شويه مشاكل بالبيت.. وتدري امتحانات وجاي ادرس

ضلينه نحجي وقت مو قليل بمواضيع مختلفه عن الدراسه والدوام... لحد ما امي صاحتلي ترخصت منه ورحت...

شيماء :
ها ماما شنو شصاير ؟

ام شيماء: بنيتي اجو اهل علي لبيت خالج ابو حيدر توه ام حيدر هنا وكالتلي ..

اي يمه شنو يعني... ستوه هم من جنت يمهم اجت مرت خالي خبصت حوراء كومي وكومي ..شنو شصاير

ام شيماء وهي تضحك:  ولج همه جاين يشوفون حوراء حته يخطبوها لعلي هو قابل بس منتضرين رد اهلها ..

فتحت عيوني بصدمه وعطت : شنووو معقوله حويره راح يخطبها علي مامصدكه... كلللووشش ...

حطت امي ايدها على حلكي وكالت:  ولج سكتي فضحتينه خرب بيومج شهرتينه ..

اخذت شالي وطلعت : ياااي رايحه لحويره انيي باايي ..رحت اركض لبيت خالي واني ماصدكه ...

***

حوراء:

اجو اهل علي وطلبو ايدي من ابوي وانه مامصدك الجاي يصير معقوله الله فتحها بوجهي اخيرا... ماصدك جاي اسمع صواتهم وهم يحجون ويتناقشون وانه بعالم ثاني ...