بتلات شائكه. (متوقفه حالين )

البارت 13

بسم الله..
قراءه ممتعه..

#خمس بتلات .

________

شيماء:

تقربت امي مني وحجت بهدوء عكس النار البداخله: ويامن جنتي تحجين..

تحمحمت وكلتله: هاا ماما مو ويه احد.. هاي صدي..

قاطعتني وكملت هيه: صديقتج ياسمين لو رشا.. منو منهن .. منو راح تكولين هلمره..

كلش توتر من طريقه كلامه الهاديه.. خايفه خاف تطلع سامعتني..واخاف احجيلي حجايه وابتلي.. بلعت ريكي وسكتت..

كملت: اشو سكتي.. شنو ماما شبيج... سالتج سؤال..سكتت شوي وكملت..شيماء من الاخير ويه منوو جنت تحجين.. شعندج ولج شاضمه عليييهه احجي... خلصت كلامه بشوي بصياح..

دمعن عيوني اول مره امي هيج اصيح بيه.. دنكت راسي ماعرفت شحجي...

تمام يعني مراح تحجين.. سحبت الجهاز من ايدي : لعد اني راح اشوف..

اخذته من ايده بسرعه وكلت: لا ماما محد والله هاي صديقتي جنت اسولف وياهاا والله...

ام شيماء: شبيج خايفه بنتي.. عادي خليني اشوف صديقتج خل اسلم عليه..

شيماء: ماما... والله.. هاي..

عصبت وصاحت بيه : جنتي تحجين ويه ولد.. مو شمه ولج اضمين على امج... شعبالج مراح احس عليج لو مراح اعرف.. ولج انتي بنتي وانه ربيتج من جنتي هلكدودج.. تالي هيج اضمين عليييه.. وتلعبين بذيج من وراااي...

هاي تاليه تخلين النسوان تحجي عليه.. ويكللي بتج طالعه طابه ويه شاب بالسياره... ولج هيج اسوين بييه ليششش هييججج يممههه... ليششش...

بجيت وحجت بتوسل: نصي صوتج يمه فدوه.. لا يسمع ابوي.. والقران جنت ناويه احجيلج كلشي ومااضم علييج والله..

:شتحجيلي ولج يمه شتحجين.. ليش اكو شي بعد انه مااعرفه.. ولج ياهو هذا الولد ياهووو التطلعين واطبين وياه...

ولج ليش هيج هاي تالي الثقه الخلاها ابوج بيج ليش هيج تكسرينه ليششش يمهه.. ماقصر وياج بشي وكلشي تردينه يجيبه الج قبل لا اطلبينه.. ليش هيج تخلينه يمشي بين الناس وهو منزل راسه ليش شمه ليش يمه..

كعدت بالكاع وضلت تلطم وادك على روحه.. صوجي صوجي انه ماعرفت اربيج زين صوجي خليتج براحتج وعلى حل شعرج.. شكول لابوج ولج شكول لخوالج.. اذا سمعو بيج يذبحونج ولج ليش هيج سويتي ليش يمه.. ضلت تبجي وتلوم بروحه..

ماتحملت متتت من البجي كعدت يمه وانه ابوس بيده وراسه: ماما وداعت عيونج ماسويت شي ينزل روسكم.. وداعتج ماخنت ثقتكم.. والله ماسويت شي يضركم.. ماما فدوه اروحج صدكيني والله ماعندي شي وياه.. والله وداعتج وداعت بابا جنه بس نطلع نتمشه شوي ونرجع.. والله ماغلطة ماسويت شي يخرب سمعتكم... والله