بتلات شائكه. (متوقفه حالين )

البارت 5

قراءه ممتعه..

#خمس بتلات

________

علي:

فزيت على صوت المطر كلش قوي والدنيه بارده شعلت الهيتر وغطيت حسوني عدل وكعدت اتأمله حبيبي حسوني ابوك مستحيل يخليك تحتاج الامك بيوم من الايام وانه اوعدك اجيبلك ام تعوضك عن كل الحنان الخسرته.. بسته براسه وطلعت عنه ...

بدلت واخذت سويجي ومحفضتي ونزلت من غرفتي وانه بالي كله وياها شنو جان راح يصير لو ما مطلكين ليش مانتظرت كم شهر بعد بلكي تنازل عن قرار الطلك احبها.. جنت اموت عليها عشقتها عشق ماصار..  جنت ؟

ام علي : يمه علي شبيك ماصبح.

شفت جدي وبيبيتي وابوي وعمتي كلهم كاعدين على طاولت الاكل صبحت عليهم وكعدت

علي : انه قررت قرار واريد يصير بأقرب وقت ..

بيبي: كول يمه لاتستحي ولاتردد احجي امر شريد ..

علي : بصراحه انه فكرت ازوج واتمنه دورولي بنيت الحلال ..بس هاا اريدها بنيه تخاف الله وداري حسوني لان هوا هسه بحاجة أم تداري وتخاف الله بي..

ضحكت عمتي وكالت .. ام ورده : هههه حسوني بحاجتها. لو انته يمه حضنك بارد تريد تدفي ههههه..

حكيت راسي منحرج من سوالف عمتي الماتبطلهن ضحكنه عليها..

كالت بيبي: ولج سكتي عن الولد حضنه بارد كلب بارد انتي شعليج...

هزت عمتي ايدها وكالت: ياحضي ..غير علموده صارله سنه بدون مريه تونسه تنسي همومه ..

كال جدي: بويه علي ذيج المره ختارينه الك بت عمك وطلع الاختيار غلط هل مره نريدك انته تختار ...

علي هو يكوم: لا جدي انه مامفكرلي بوحده معينه، بس اريد بنيه ملتزمه وتخاف الله بحسوني  وهذا كلش كافي ..

ام علي: ادلل يمه ندورلك بنيه مؤدبه تستاهل  كل خير والله توكل على شغلك ومن تجي تلكاني لاكيتلك البنيه ..

بيبي : تدلل بيبي نجيبلك اغاتها ذيج البربوك ..

بستها براسها واجيت اطلع وسمعت اطياف صيح عليه : عللي انتضر تااخرت اخذني ويك ..

ام علي:  ولاتوبين شكم مره كتلج نامي من وكت حته تكعدين من  وكت يوميه متاخره ورايحه بدون ريوك ..

اطياف :صباح الخير اعرف بس شسوي عندي امتحان وجنت ادرس ردت اطلع وصاحت بيبي عليه ..هج يمه هاي الفه اكليها بدرب مايصير ترحين وبطنج خاليه ..كضني جدي من ايدي وحط خمسة الف بيدي ..جدو شنو هاي ..

جدو ; حبيبتي صارلج جم يوم ترحين لمدرسه بدون مصرف مايصر..

اطياف:  جدوو والله عندي مايحتاج ..

الجد: لاحبيبتي اخذيها واكلي عدل علمود لا دوخين بنيتي

بسته بيده وطلعنه انه وعلي صعدت وانه مختنكة والي خلاني ماانام لبارحه اشتياقي لامي وابوي وضليت ابجي لنص الليل ومانمت ..عمري ١٠, سنوات وتوفو مستحيل انسه ايامي وياهم وحبهم وخوفهم علي .. واخوي الي جنت منتضرته ومنتضره جيته بس آرادة رب العالمين تختلف .. وراحو تلاثتهم محد ضلي من ريحتهم..