#سجينه هلي
# الكاتبه لهيب العامري
حبايب لا تنسون التعليقات والتصويت ♥
هواي سالوني اذا القصه واقعيه او لا
القصه يي واقعيه حبايب ♥
هدوء _ تفاجئت من شفت عمي وجهه ميتفسر وشعنده جاي الساعه بلسبعه الصبح
هلا عموو شلونك خير انشاءالله
جاوبني عمي بلهثه شكله جان يركض
عمي سالم _ عمو ياخير اهلج مسوين حادث بين طريق النجف وكربلاء وبلمستشفى محد يدري بيهم شبيهم مابيهم اجيت اكلج حتى دكولين لاخواتج واحنه رايحين نشوف بيا مستشفى
هدوء _ سمعت هيج لو صاعقه ونزلت ع راسي
بس عمي شلون والبارحه امي خابرتني العصر
عمو سالم _ يي البارحه بلعشره بليل من اجو يرجعون مسوين حادث يلا عمي اني رايح دخلي وسدي الباب
هدوء _ مجاي اكدر اصدك مسوين حادث شلون والبارحه امي جانت تخابر بيه
كلشش انصدمتت بحيث كمت ارجف وضليت ابجي وخايفه سديت الباب ودخلت جوه ركضت ورحت ع المصلايه ادعي وانخي ربي اذا راحوا اهلي خلص نضيع همه عمامي منه ميحبونه شلون يربي انشاءالله مابيهم شي
هاله _ بنعاس هاي شبيج تبجين هدوء شكووو شصاير
هدوء _ ببكاء ولجج هاله انتي نايمه تدرين اهلي مسوين حادث وميعرفون بيا مستشفى
هاله _ لطمت ع صدرها يما عزاا هاي شوكت وشلون ولججج وزين احنه شلون
هدوء _ ولج شمدريني من سمعت صوت الباب يتكسر طلع عمي سالم اجه وكلي مدري هاله خل اخابر رسل واكلها
ضلينه بحيرتنه وخوفنه ع اهلنه ومنعرف شنسوي
صارت 11 الصبح وعمي مارجع كلنه شصار واذا بيهم شي لو لا رحت دكيت ع اختي رسل
هدوء _ هلا رسل شلونج جهالج شلونهم
رسل _لا رد بس تبجي
هدوء _ شكوو شصاير رسل شنو متعاركه ويه رجلج
رسل _ ببكاء ياريت ولجج هدوء يارييتتت عمي مخابر رجلي يكول اهلي مسوين حادثه وميتين كلهم بلمستشفى
هدوء _ بصدمه ش شنو رسل كولي جذب فدوه ولجج كال عمي مابيهم شي شلون ماتوو
رسل _ ببكاء من واصلين للمستشفى لكوهم ميتين
سديت الخط بدون متجاوب ويه رجفه ايدي الي ماكدر اسيطر عليهاا بلعت ريكي واحس الاوكسجين قل عندي كمت بصعوبه اتنفس وشهكاتي الي شكتت صدري وطلعتت ودموعي نزلن بدون سابق انذار ضليت اني الي ماكدر اصدك اباوع لهاله بس صافنه متكدر تستوعب الي سمعته هيج ويطلع حلمم!!!! سمعنه الباب تتكسر
هاله _ طلعت افتح الباب بلا روح وشفت عماتي بلباب يصرخن ويلطمننن
طبعا للمعلومه عماتي تسسس بس يجن يذبن سمهن وحسدهن ويرحن
