سجينه هلي
#الكاتبه لهيب العامري
صآرحوهن لآ تخَلون ..
الگلوب بـ ليلكم تتعلعل ،
وآحچولهن شيصير بيكم
لآ تظنون السكوت يجيب حل !!
لاتنسون تصويتكم وتعليقاتكم ومتابعه للحساب ♥
______________________
كعدت بلغرفه منهاره ليش احس علي مجبور بيه زين شنو ذنبه يتزوجني وهوه ميريدني
افكر ارجع لعمامي بس والله يذبحوني
فاطمه _اكلج انجبي ترا علي والله خوش رجال صحح هوه مثل مهيمن وهلسوالف بس ورده مال الله
_فاطمه ماجاي تفهمين اكلج احسه مجبور يعقد عليه
_ليش هوه كلج؟
_هاا لا
_لعد سكتي واليوم بليل احجي وياه وفهمي
_هيج برائيج؟
_يي افضل ماكاعده وتبجين شوفي عيونج شصار بيهن من البجي
سمعت كلام فاطمه بس ضليت خايفه وشي بداخلي رافض صحح عندي مشاعر اتجاه علي بس مو لدرجه ارفض نفسي عليه او يتقبلني جبر احاول احاجي وندبر حلي ثاني
ولو اني متاكده مجبور من كلامه ويه ابو مريم اذا يريدني مجان حجه الي سمعته
سمعنه صوت الباب ندكت طلعت انوار يصيحولنه جوه
غسلت وجهي ونزلت جانوا كاعدين بلصاله وابو مريم وياهم
ابو مريم _تعاي بنتي هدوء خل نحجي بموضوع العقد
_هزيت راسي لا رد وكعدت العب باضافيري اشوف نظرات علي عليه ماشال عيونه مني اربكني هذا شبيه!!!
_باعي بنتي المحكمه يوم السبت واليوم ثلاثاء هم يلا نلحك باجر نعقد والخميس عقد محكمه وياريت بدون اعتراض لان والله كلبي خلص
_عمو انتو مامجبورين تتحملوني رجعوني لعمامي وخلص
نزلت راسي متحملت وانهاريت صرت اناشغ
علي _سمعتينه كلنه كوه متحمليج؟؟ جاي نكلج باجر العقد
ابو مريم _علي انت اسكت ومالك شغل هدوء بنتي الله يشهد عليه معزته من معزه مريم ماسمحلك اتزعلها بحجايه وحده
ضلوا يحجون ويضحكون ويداهرون بيناتهم حتى انسى الموضوع طمئني كلام ابو مريم حسيت صدك يعتبرني مثل بنته مو بس كلام
بعده الخوف متملكني صعب انسى بمجرد اسمع طمانيئتهم صعدت اني وفاطمه للغرفه
فاطمه _ولججج باجرر؟؟ وين نلحك لازم بليل نطلع للمول نشتري المهمات ونرجع
_اني ماروح انتي اشتريلي ع ذوقج
_اششش لا ترحين وعندي فكره نخابر مريم تروح ويانه
_مادري احس نفسي ضايجه اني
_والمطلوب نطلع نسوك حتى نغير نفسيتنه
اتصلنه ع مريم وخطيه الفرحه ماسايعتها المغرب اجت للملجئ خبرنه ام وليد وكامت تهلهل وتهوسس وفرحانه جانت متدري او هيه متدخل بشيء دكول عيب خصوصيات الناس
