#سجينه هلي
#الكاتبه لهيب العامري
لاتنسون تصويتكم ومتالعه للحساب
ويؤذيك الذي تخشى عليه من الاذى.
______________♡
التفتت بحركه سريعه شفت مهيمن بملابسه العكسريه
طابك حواحبه وخازرني باوعلهم ورجع باوعلي القى عليه نظرات كرهتني بنفسي وزمخ بصوت فززنيي
_دخليييييي جوههه
دخلت سريع حتى بعد ماعرف افتح الباب من الخوف
دخلت وطبكتها محد كاعد بلملجئ واني لون وجهي مخطوف
هرولت ع الدرج ودخلت لغرفتي وسديت الباب
حطيت ايدي ع كصتي والايد الثانيه ع خصري وارح وارجع واسولف ويه نفسي
وكتج يهدوء ماتعرفين تلمين لسانج اله ترديهم
هاا هسه شسويتي من عمله واكيد مهيمن يكول لعلي
صفنت وشخصتت عيوني متذكره انو اني حتى ماكايله لعلي اروح لفاطمه
انوب هاي القصه ومصيبه وطاحت ع راسي سوده بوجهج يهدوء شيخلصني
واكيد مهيمن ميضم سالفه ع علي كلشي يحجي اله
اووففف ياربي
ذبيت الصايه والشال توجهت للحمام غسلت وجهيي وطلعت
تمددتت ع الجربايه شفت علي متصل عليه اكثر من مره
خفت ليكون مهيمن كايله ع السالفه واني داباوع ع المكالمات دك عليه
رديت عليه بارتباك بس الفاجئني مايعرف وماجاب طاري للسالفه
شويه ارتاحيت كلت يمكن مهيمن مايحجي لعلي
تطمنئت وسديت الموبايل ونمت
كعدت ثاني يوم ماكو شي جديد غير طلايب كوثر وهوسه الجهال ومهيمن بعد ماشفته
كعدت بلمطبخ اتريكك توني حطيت اللكمه بحلكي و سمعت صوت عياط
طلعت اركض شفت انوار ومهند واحد لازم شعر الثاني وانوار تعيطط بس املخه مهند من شعره قوي
ركضت افاككهم ماكوو قافلين وانوار فزعت علينه الناس من العياط
كوه سحلتها وعافت شعره
_ولكممممم شككككك كتاببيييي بيمن اقرهههه بعد؟؟؟
هدوء _صدكك مهند؟ شنو هلتصرفات ترا انت مو طفل
مهند _انتي لتددخلين الفاره الزركه
هدوء _احترمممم نفسكك لككك الاجلح صاير بيك خير ابو بطن
شاطتت روحي وهوه لا احساس ولا شي يباوعلنه بنظرات خبث انوار كعدت ادك وتلطم ع كتابها المشككه بلمكص بدون متدري
واني واكفه خازرته
قاطعنه دخول خالد للملجئ شاف انوار تبجي اتسال وحجيناله السالفه سحل مهند من ياخته وخذاه للحديقه يحجي وياه
طبعا بس كلاوات لا يفيد حجي وياه ولا رزايل الخباثه تمشي بدمه
مرت هليومين متشابهه ماكو شي جديد والملجئ هدوء الاطفال اغلب وقتهم بلحديقه
نسيت السالفه مال بيت علاء السكرجيه وكلت مهيمن يمكن هم ناسي ماخليت براسي
