#سجينه هلي
# الكاتبه لهيب العامري
لاتنسون تعليقاتكم وتصويتكم ومتابعه للحساب ♥
لتخاف أعله روحك آنه الك للشيب..
_________________________
هدوء _ بخوففف وابلع بريكي احس نفسي انحبسس
ع ع عليي بس ماجاي اشوف شيي ضلمهه!!!!!
ماشوف شي بس اسمع صوتهم واني الخوف سيطر عليه جسمي ضل يرجف
علي _ شبيج هدوء تشوفيني اني يمج؟
هدوء _ ع عليي ماشوف شي والله عليي لتعوفنييي الله يخليكك
احجي وشفايفي يرجفن احس نفسي انكطع
انهاريت واني اسمع صوتهمم خايفين وحايرين ميعرفون شنو شبيه
ام وليد _ يمه اسم الله بنيتي تعوذي من الشيطان يمهه يمه عين وصابتجج شجاج كل يوم مثل الورد والله
هدوء _ حسيت احد لزمني عرفته علي من عطره انهاريت وفقدت من الخوف وصرت املخ بشعري واصيححح ماعرف شسوي تخبلت من الضلمه الي اني بيهاا
هدوء _ ليش مداشوف شيييي ليششش علييي وينككككك لتعوفنييي والله اخاففف ضلمهههه ماشوفف شييي علييي وينككككك
_عليي وينكك
_ اني يمج يروحي هنا اششش
_ اخاففف لتعوفوني
_ محد يعوفج والله بس اهدي
احس علي لمني لصدره ويمسح ع راسي ويهدي بيه علي _ يحجي بصوت مرتبك وخايف لتخافين يروحيي يمجج اني ماعوفججج والله
لزمتت قميصه حيلل وابجيي اريد بس امان انهاريت واني اناشغ واشهكك لحد ماتعبتتت
واسمع صوتهم يسالون شبيه واني بنفسي مادري شنو بيه فجاه صار كلشي اسود وماشوف شي غير السواد!!
ماهديت قميص علي لحد ماغفيتت وبعد ماحسيتتت بشيي
كعدتت الصبحح نايمه بلصاله فتحت عيوني مغوشه الرويه ماواضحه ضليت اغمض وافتح رجع نظري طبيعي
كمت ع كيف لكيت شالي محطوط ع راسي كلاوات لكيتت علي كاعد ع القنفه البصفي جان يلعب بلموبايل من كعدت باوعلي عرفني رجع نظري طبيعي بقى كاعد بمكانه وع وجهه علامات توتر
هدوء_ حجيت بصوت مبحوح كوه ينسمع
شسوي هنا؟
علي _ اغتص/بج
هدوء_ فتحت عيوني كوه
شديحجي هذا عرفته ديخبث كمت اريد امشي احس جسمي نحلان ماذكر كلش شصار البارحه بس اذكر من صارت ضلمه وبعد ماشوف شي
رجع جسمي رجفف ونعاد الموقف ببالي رحت للحمام باوعت بلمرايا لعيوني مورمه وجواهن سواد وجهيي ضعفانن اباوع لشكلي عبالك فلم رعب مو بنيه غسلت وجهي واديه يرجفن طلعت امشي ع كيف احس نفسي بردانه اطكك عظم بعظممم
علي _ بردانه؟
هدوء_هزيت راسي بمعنى اي
علي _ صعدي لبسي ملابس ثخينه ونزلي حتى نطلع لبغداد
