#سجينه هلي
#الكاتبه لهيب العامري
لاتنسون تصويتكم وتعليقاتكم ومتابعه للحساب
مغرم بعالمي الخاص هدوئي صمتي ضجيج قلبي بعالم لا أحد يفهمه إلا أنا.
________________________♡
هدوء _
مهيمن بلكاع دموا بطوله وعلي صافن بصدمه ع مهيمن وحاط ادينه ع راسه ركض مسرع ع مهيمن شال راسو حطه بحضنه ويصيح
_شو مهييمنننن اكعد خابروا الاسعاففففف شمنتظرين يموت
مهيمن فاتح عيونه دم يطلع من حلكه ويرفس برجله
وعلي تخبل حاير شنو يسوي
وابو فاطمه جامد بمكانه والمسدس وكع بارتباك من ايده بلكاع
ركض يم علي يباوع لمهيمن ويرجع يباوع لعلي بصدمه
_علييي والله ماردت كتله والله
لطم ع راسه ويهمس
_شصخمت ياربي كتلت صديقي بايدي
بلع ريكه وحجه بتنهد
علي _عوفف الحجي ميفيد خابر الاسعاف راح يموت
الكل صافن لسه ممستوعبين شلون صار كل هذا وشوكت اصلا ماحسينه بشي
راح ابو فاطمه يخابر ع الاسعاف
طلعوا الناس تجمهرت وبس يباوعون ويتهامسون
تقدمو كم رجال يم علي يشوفون مهيمن
ركضت حضنت
فاطمه الكاعده بلكاع وتشهكك وتبجي وصوت النسوان يجيب التايهه كلها تبجي وتصيح
علي وشال مهيمن رغم ضخم وطويل بس كدرله لانو بلوقت الحرج تتطلع كل الطاقه
شالو ويركض بيه وابو فاطمه وراه
الوقت مر بطيئ وحرنه برواحنه ركضنه كلنه وره علي وفيلق كامل من غير الانوار الطشتت بيه وتبجي
طلعنه بلشارع بره الفندق علي كاعد ع الرصيف ومخلي بحضنه مهيمن ويباوع يمنه يسره
سمعنه صوت سياره الاسعاف والشرطه سفطت بصف الفندق
الاسعاف خذوا مهيمن خلوا بلسديه وانطلقوا للمستشفى
الشرطه تقدمت ع ابو فاطمه كلبشوا ادينه والظابط اخذ علي يحجي وياه ع صفحه انتبهت لعلي كوه يطلع الكلمه من حلكه حيله مهدود
ام وليد جمعتنه بزاويه بره الفندق وكوه سحلنه فاطمه الي تخربطتت وبس تشهككك وتبجي ع مهيمن
ضلينه واكفين بره ع جهه مزويه والناس متجمرهه يم الفندق ضلينه بحيره وين نروح ومنين نرجع
مانسمع بس صوت فاطمه تناشغ وتحجي
راح يموت راح يموت
اجه علي باتجاهنه
حط ادينه ع خصره ويروح ويرجع ويباوع ع الطريق وبعيونه حمر وحاير فرك وجهه بكف ايده وحجه
_اوصلكم لغير فندق حتى اروح للمستشفى بس منو يبقى يمكم
ام وليد _يمه اني يمهم بس وصلنه وروح يم صديقكك للمستشفى
_جؤؤ اخابر ع واحد من الحرس يجيكم للفندق ورجعوا وياه للملجئ
