#سجينه هلي
#الكاتبه لهيب العامري
لاتنسون تعليقاتكم وتصويتكم ومتابعه للحساب ♥
قبل بدأ أي حديثٍ أرجوك ضع يديك في مكانهما المخصص على صدري .
_______________________
حاولت اصد وجهي عنه صديت وجهي ع الجهه الثانيه وخليت ايدي ع وجهيي
ماحسيتت اله اني والكرسي اندفرر واوكعع بلكاععع
باوعت بخوف وبحركه سريعه لكيتت الولد الي وجهه مو مريح فوك راسي وعلي لازمه من ياخته
شكله معصبب وعيونه ناطه شكله اذا هجم ع احد يموت بايده وميرفله جفن
واني ضليت ع كعدتي احس الميز تكسر ع جسمي
ورجلي انلوت موتتني و توجعني
علي ضربه بوكس ع وجهه طكك خشمه دمم والشاب يطوطح مو بوعيه شكله سكران
رجع علي شاله من قميصه وضربه بوكس ثاني طاح ع الميز
اجو الزلم وابو المطعم يحاولون يفكون الولد من ايد علي فاقد ع الولد شبعه كتل
يرجع يشيله ويضربه بكل حيله ودمه فاير
واحد من الزلم لزم علي من ايده يحجي ويهدي بيه وعلي اعصابب يمكن لو ياكله هم مايرتاح
حجه الرجال
_خويه عوفه هذا سكران مو بوعيه خل يولي
علي _سكراانن؟؟ هذا مو عذر شفتتههه بعيوني دفعها من الكرسي
رجع هد ع الولدد ويصيحح
ولكككك انتتت تندككك بيهه وتتقرب ع عرضيييي!!!
شاربي مو علي اذا ماخيسك بلسجون كو .......
هدوء _كمت من مكاني اعرج والخوف متملكني علي اصلا مايدري عني وين صرت لو متت حاير يكتل بلولد ماطلعت طلعه الكشره عليه
وكفت بعيد عنهم واشوفهمم وكلبيي يددك من الخوف او من الم رجلي
كلها زلم والعوائل طلعوو من المطعم
اشوف الولد مدمى بلكاعع ويضحكك ولا كانو شبع كتل
وعلي يروح ويجي يتوعد ويخابر والزلم تهدي بيه ويريدون يفضون السالفه قافل مايقبل اله يرفع عليه قضيه
شويه وسمعت صوت سيارات شرطه
دخلواا للمطعمم كلهم مسلحين ويعرفون علي
اجو مجموعه شالوا الولد من الكاع وخذوا لسياره والظابط الجبير راح ع زاويه يحجي ويه علي
حجه وياه من بعيد ماسمعت شي
والشرطه خذوا الولد وراحوا
شفت علي يدور بعيونه ع شخص اخير شي باوعلي واجه باتجاهيي
اني هنا زدت خوف وصرت ابجي مادري ليش عبالي راح يضربني لو يحاسبني
لزم ايدي وحجه انتبهه ع رجلي رافعتها
_اتاذيتي؟
_ حجيت بدموع
يي
من بعدها صرت اشهكك بدون سببب بس احسس بخوف
شكله تعصب اكثر طكك رقبته يمنى ويسره وهز راسه بتوعد وحجه
_تكدرين تمشين عليها حتى ارجعج للملجئ اريد اروح للمركز
_يي اكدر مو كلش توجعني يمكن انفصخت
لزمني من ايدي واني كل مامشي رجلي توجعني اكثر بس تحملتت لحد ما طلعت من المطعم وصعدت بلسياره
