#سجينه هلي
#الكاتبه لهيب العامري
لاتنسون تصويتكم وتعليقاتكم ومتابعه للحساب
__________________♡
يلعب بخصلات شعري ويباوعلي بنظرات حب
واني اصلا مارفعت عيوني وشفته ماعرف ليش او يمكن طبيعي اي بنيه بهليوم تكون خجلانه
وهوه يباوعلي و يوزع ابتسامات غفيت ع صدره العاري واني بين اديه وع لمساته لخصلات شعري
الصبح فتحت عيوني ع كيف ماشفته بصفي
كمزت من مكاني كعدت ع الجربايه ومشخصه عيوني بلفراغ ومن كل عقلي او غبائي عبالي عافني ورجع
سمعت صوت بلحمام تنهدت وضربت جبيني بغباء رجعت حطيت راسي ع المخده ولفيت البطانيه ع جسمي
سحبت الروب ع كيف ولبسته
طلع من الحمام شافني ابتسم ابتسامه بينت سنونه البيض واردف
_ صباح الخير ينظر عيني
بصوت ناصي مصطنع بخجل
_صباح النور
_علساس خجلانه يلا يلا كومي اخذي شور حتى نرجع
ضحكت هزيت راسي ونهضت الروب قصير كل شويه واسحل بيه ليجوه
خذت شور وخلصت لافه ع جسمي البرنص
شفته مبدل وكاشخ مخلص قبلي
مشيت باتجاهه الجربايه اخذ ملابسي
اجه باتجاهي لزم قيطان البرنص وحجه
_شنو رائيج نضل هنا ونعوفهم ينتظرون
حاول يفتحه لزمت ايده
_لا لاا فدوه لااا والله لسه متوجعه من البارحه
ضحك بقوه ولزمني من متوني دفعني ع الجربايه بدون ميسوي شي
ضل مخلي وجهه بركبتي ويكركر بيه
_شنو هلكياته؟ شنو هلخدود الحمر صايره من الخجل ترا اخرب واتكهرب والله ومستعد ابقى اليوم هنا ومارجع
_ راح اصير جبار ابو المولده حتى مانبقى هنا
علي كوم جوز هسه ينتظرونه خل اجهز نفسي
نهض من فوكاي يضحكك ويعدل بقميصه
واني توجهت سشورت شعري ولبست فستان كلوشه بسيط بي لاستيكه من الخصر ومن المعاصم
خليت مكياجي المعتاد وخليت عطر
التفتت عليه لكيته عيونه بلموبايل
شافني خلصت طفه الموبايل ونهض من مكانه
توجهه الي ضحك وباسني من خدي طخت شواربه بوجهي
_ خلصتي عروستي الخجوله
وكذلاك ضليت ساكته وهزيت راسي وهوه تخبل يضحكك عليه ويحشش
حضرت الجنط الي جبناها ويانه وطلعنه من الفندق
توجهنه لسياره وصعدنه
الطريق ازدحام كلشش ضوجنه علي شغل الاغنيه حتى نلتهي وياها سيطرات وازدحامات حسيت نفسي لعبت
سفط السياره بصف مطعم ونزلنا نزل ريوك وتريكنا
ورجعنه لسياره ولنفس الازدحامات
وصلنه من بعد معاناه ومن بعد ما علي تعارك ويه ابو السياره يلا
لزمت ايده ودخلنا للملجئ
اول ماشافونه تعالت الهلاهل وام وليد اطشش جكيلت وعلي يبوس براسها
