شـــوق.... حصري على الواتباد فقط

٤٤

#شوق بارت ٤٤
#أسماء_عبد_الهادي

##
تذكرت شوق عندما أرادتها آيات في شىء هام وأوصلها أمير بنفسه إلى حيث تنظرها آيات
وهناك قالت آيات وهي في حيرة من أمرها
_في حاجة يا أبلة حصلت وأني محتارة اتصرف ازاي
_خير يا قلبي في إيه قولي ونتشاور فيها مع بعض
_فاكرة البت عفاف بنت عم مصيلحي
_ايوة طبعا عارفاها دي تقريبا في آخر سنة في آداب مش اكده
_ايوة يا أبلة دي آخر سنة ليها
_خير مالها.. ابقي لاغيها يا آيات وحاولي تصاحبيها أبوها غلبان وراجل طيب.. العيبة مبتطلعش منيه أبدا

صمتت آيات ولم تتحدث
لتهتف شوق وهي تنظر لها جانبا
_في ايه وشك اتعكر ليه
_اصلي براحة يا أبلة شفتها ماشية مع واحد وحاطة إيدها في إيده كمان

رمشت شوق عدة مرات وقالت بانزعاج
_بت يا آيات انتي بتقولي ايه .. الحاجات دي مفيهاش هزار ولازمن قبل ما تتكلمي عن حد لازمن تكوني متأكدة مليون في المية
_والله هي يا أبلة أنا شفتها معاه أكتر من مرة مش مرة واحدة
_مش يمكن خطيبها اي نعم مش صح حتى لو خطيبها بس اهو فرضا

_لاه يا أبلة عفاف مش مخطوبة لسه
_ يعني ايه يا بت عايزة تفهميني ان ديه صاحبها يادي العيبة ليه أكده يا ياعفاف يا بنتي وربنا ابوها مافي في طيبة قلبه وحنيته عليها
_كلمتها أكتر من مرة والله يا أبلة شوق اول مرة اتوترت وحلفت انها مش هتعمل اكده تاني وبالفعل غابت عن عيني فترة بس رجعت شوفتها تاني وبردك نصحتها بالحسنى لكن المرة دي كلمتني بوقاحة وقالتلي ملكيش دعوة وانا حرة أعمل اللي انا عايزاه وطلبت مني متدخلش في اللي بتعمله بس انا ميأستش وفضلت كل مرة اكلمها لاني كنت خايفة عليها من ان رجليها تنجر اكتر في الطريق ده لان نهايته وحشة فبكت وقالتلي انها عارفة انها غلطانة وهتحاول تبعد وبتحاول بالفعل بس غصب عنها بترجع بس انا كنت متأكدة انها بتسكتني وخلاص لانها ما زالت زي ما هي ومفيش فايدة مهما قلت

_لاحول ولا قوة إلا بالله العلي العظيم ربنا يهديها
_خايفة عليها يا أبلة علشان كدا فكرت أقول لأبوها يلحقها قبل ما تروح في الرجلين واني متأكدة ان أبوها هيتعامل معاها بهدوء المهم انه يلحقها  قبل فوات الأوان.. بس خفت اعمل أكده تكون فتنة او تفهمني غلط وتظن اني بوقع بينها وبين أبوها
_لاه طالما عايزة مصلحتها متبقاش فتنة أبدا .. بس بلاش تعرفي أهلها دلوك اللي ستره ربنا منفضحوش احنا.. أكيد حد من البنات ممكن يشوفها ويبلغ أهلها، بس بلاش تاجي منك انتي...وانتي انصحيها تاني وتالت وعاشر يا بنتي يمكن ربنا يتوب عليها ويهدينا ويهديها

عادت شوق لأرض الواقع وهي تقف مع اخوتها أمام باب بيت عبد الصبور _واهي حبت تقلب الترابيزة عليكي انتي علشان تداري ع عملتها.. بس للأسف أبوكي مش زي أبوها يا حبت عيني طاح فيكي ومتوصاش ولا حول ولاقوة إلا بالله.

أخرجها أمير من شرودها وقال بحنق
_شوق انتي خرجتي ليه من غير ما نشوف حل لأيات
هتفت شوق بغضب من تلك الفتاة الذي أذت آيات بوحشية
_انت تسكت خالص يا أمير معيزاشي أسمع صوتك أديني بفكر إزاي هحل المشكلة العويصة داي.