سبحان الله وبحمده سبحان الله العظيم عدد ماكان وعدد مايكون وعدد الحركات والسكون.
لاتنسو التصويت ⭐+ التعليق الحلو🌹
التصويت يكون عن طريق الضغط على النجمه ⭐ في اسفل الشاشه على اليمين
تابعو حسابي
🌟🌟🌟🌟🌟بسم الله🌟🌟🌟🌟🌟
"""""""بقلمي🖋""""""""
الشاعر والكاتب: عبدالاله عدنان
🌟🌟🌟🌟
🌟🌟🌟🌟
ايهاب: شفته گال هيچ مارديت عليه بس اشرتله بيدي واحنا يم باب الكندور وگتله تفضل تفضل.
ليث: دخلت للربعه وايهاب دخل ورايه وسد الباب اول مافتت سلمت السلام عليكم ، چانت سرى گاعده ع الدوشك وظهرها ع الحايط من اتجاه الباب الي دخلت منه وچانت مخليه كتاب الاحياء وملزمه ودفتر گدامها ع الگاع ، چانت مخليه الشال الوردي على راسها بس مالافته چانت مخليه اطراف الشال على چتوفها ولابسه تراكسوت وردي بس ماشايف مثله بالسوگ چانت الفتحه مال رگبه شوي عريضه ، رفعت راسها وبخجل گلتلي وعليكم السلام ، اني من كثر ما ثولتني بشكلها ظليت اباوع وامشي لحد ما صرت بالطرف الثاني من الربعه وردت اگعد ماقابيلها ع الدوشگ چان تگوم تضحك وايهاب چان واگف بنص الربعه
سرى: هاي وين تريد تگعد يمعود غير تگعد بصفي وتشرحلي خوما الشرح ملاگح.
ايهاب: كمت اضحك ، هاي شبيك ليث اشو احسك مو طبيعي.
ليث: شرد اگله اختك سودنتني بجمالها ، گتله مدري شبيه يخوي يجوز لان سبحت الظهر وضربني الهوى فتركيزي تشوش
سرى: راد يگعد چان يگف واجه يتمشي بتجاهي ، بداخلي گلت لا سبح ولا هوه هاي اني الي شتت عقلك چنت فرحانه ردة فعله اثبتتلي باني قادره على اثارة اعجابه ، من وصل يمي گله ايهاب سلامات تريد اجيبلك بندول ، هنا گعد بصفي بس من اتجاه الباب وگتله سلامات ليث اذا ماتگدر درسني ناجلها لغير يوم ، هنا رد على ايهاب وگله مايحتاج والتفت عليه وهوه يبتسم وگلي لاتخافين مابيه شي ، گتله تمام لعد نبلش ، هنا لزمت كتاب الاحياء وگاعد اگلب بي وليث يباوع عليه وچان متربع بگعدته واني مخليه رجليه جوايه وايهاب گعد مقابيلنا يباوع علينا ومطلع موبايله يگلب بي ، هنا دخلت علينا ماما وجايبه گلاص بي مي.
ام سرى: ياهلا بليث هاك تبرد هذا مي بارد من الثلاجه اشرب وبرد گلبك ، گلي بالمهلي حجيه ومد ايده اليمنى واخذه مني.
ليث: شربته كله وانطيتها الگلاص ، چان تگلي اجيبلك انوب ، گلتلها لا تعيشين هاي هيه تبردت ، هنا التفتت على ايهاب وگالتله ، اشو بعدك هنا حرمتك وابراهيم دينتظرونك حتى تروحون ، هنا وگف ايهاب وگله ماشي اني رايح وانتي گعدي يمهم ، گلتله الحچيه ماشي وگعدت مقابيلنا وهوه گلي اني اترخص ، گتله الله وياك وطلع ، چان الحجيه تگلي من زمان ماطالع هوه ومرته وملتهي بالشغل واليوم گلت خل يطلعون ويتونسون هم المره تتكأب اذا ظل گاعده بس بالبيت ، گلتلها فعلاً الواحد اذا مايطلع يغير جو يتكأب وهوه خلي يونسها لحد مايبدي شغله ويرجعها للبيت ، هنا تدخلت سرى وگالت واذا تاخر ساعه عن شغله ابو المطعم ماراح يموت هوه صارله فتره طويله وياهم ، هيه وتحچي سمعت صوت الباب انفتح وانطبگ فعرفت بانه راح ، هنا شفت امها وگفت ، گلتلها ها حجيه وين رايحه.
