سبحان الله وبحمده سبحان الله العظيم عدد ماكان وعدد مايكون وعدد الحركات والسكون
الحمدلله صحتي تحسنت بالايام الي راحت صابتني نشله بسبب البرد القوي هاي صار اكثر من عشر ايام ماشاء الله اربيل مطر وغيم
شكراً على انتظاركم وشكراً للي راسل على الخاص يسأل عني
البارت حتى لو كامل ماگدر انشره اذا ما اقراه واتأكد بانه خالي من الاخطاء الاملائيه لذلك من انشلت ماچان الي رغبه اسوي اي شي اني اكره النشله لان من انشل اطول اسبوعين يله تروح بالكامل بس الحمدلله اليوم وضعي تحسن فقريت البارت وصححت الاخطاء ونشرته الكم وان شاء الله ينال على اعجاب ذوقكم الراقي.
لاتنسو التصويت ⭐+ التعليق الحلو🌹
التصويت يكون عن طريق الضغط على النجمه ⭐ في اسفل الشاشه على اليمين
تابعو حسابي
🌟🌟🌟🌟🌟بسم الله🌟🌟🌟🌟🌟
"""""""بقلمي🖋""""""""
الشاعر والكاتب: عبدالاله عدنان
🌟🌟🌟🌟
🌟🌟🌟🌟
ايه: دخلت المطبخ وچنت اريد افتح الباب حتى اطلع افتح باب الدير لجاسم چان اشوف من خلال جام المطبخ ادين شخص ع الباب ، گلبي وگع من الخوف شفت الباب مسدود وركضت ع الكاونتر واني وادور سمعت صوت تبه عبالگ شي وگع بالدير طلعت سچين وشلته چان اندار واشوف شخص ملثم بشماغ ولابس تراكسوت اسود واگف ع الباب هنا حسيت برجليه خدرن من الخوف وحتى صوتي اختفى احساس مرعب دگ الباب بيده وگلي فتحي الباب من سمعت صوته تأكدت بانه صاحب الصوت الي هددني قبل كم شهر هذا الشخص وذاك الشخص الهم نفس النبره ، رجع دگ الباب بيده واني هنا گرصت ايدي حتى استعيد تركيزي واطلع من حالة الخوف الي دخلت بيها عن طريق احساسي بالالم.
رحت اركض اني وشايله السچين بتجاه غرفتي چان الموبايل بعده يدگ دخلت الغرفه وقفلت الباب بالمفتاح وشلت موبايلي وشفت جاسم ديتصل رديت عليه.
بخوف گتله حبيبي الحگني اكو واحد ملثم ديدگ باب المطبخ تعال بسرعه.
جاسم: اني وضرغام بالطريق جينا بالسياره دقيقه واحنا يمچ وين انتي هسه.
ايه: چنت الهث وگلبي يدگ بسرعه اني بالغرفه وقفلت الباب بالمفتاح اگلك هذا الملثم هوه نفس الشخص الي اتصل عليه قبل كم شهر تعال بسرعه راح اموت من الخوف.
جاسم: التفتت على اخويه ضرغام استعجل شبيك، لاتخافين حبيبتي گلت هيچ چان اسمعها تصيح يبوووو ، شكووو حبيبتي.
ايه: لك الحگني اسمع صوت جام نكسر هذا يمكن كسر جام باب المطبخ وراح يدخل وانت ماكو.
جاسم: اگلچ اكو عصا اني مخليها جوه الكنتور شيليها بيدچ واضربي على راسه.
