سبحان الله وبحمده سبحان الله العظيم عدد ماكان وعدد مايكون وعدد الحركات والسكون.
لاتنسو التصويت ⭐+ التعليق الحلو🌹
التصويت يكون عن طريق الضغط على النجمه ⭐ في اسفل الشاشه على اليمين
تابعو حسابي
deerdeer220اقتباس
✌هذا العراقي من يحب ... يفنى ولا عايل يمس محبوبته✌🌟🌟🌟🌟🌟بسم الله🌟🌟🌟🌟🌟
"""""""بقلمي🖋""""""""
الشاعر والكاتب: عبدالاله عدنان
🌟🌟🌟🌟
🌟🌟🌟🌟سرى: چان يباوعلي بتركيز واني احس خدودي صارن حارات من الخجل.
ليث: ظليت صافن اتامل عيونها اباوع على شفافها ماعرف شصارلي بلحظه تمنيت لو انها مرتي ، هل گعده واحنا ناكل بوحدنا عبالك مزوجين فعلا الرجل مايكون سعيد الا بجود زوجة تشاركه بكل تفاصيل حياته شافتني مركز نظري على شفافها.
سرى: احم احم ، هنا ارتبك ورجع ياكل طبيعي ، بصوت ناصي گتله والابتسامه على وجهي ليش چنت تباوع عليه بهل طريقه.
ليث: اني اباوع لا غلطانه گتلچ اني تجيني مرات اصفن بيها هل شي ماله علاقه بيچ.
سرى: لاتكذب اني شفتك مركز على شفافي شچنت تتخيل بهذيچ اللحظه.
ليث: هسه شرد اگلها چنت اتخيلچ مرتي ، مو مهم انتي مو تباوعين عليه وتصفنين مرات اشو اني ماگتلچ بشنو فكرتي لادققين زايد صفنه وراحت بوكتها.
سرى: اموت واعرف شچان يتخيل هل چان يتمنه يبوسني من شفافي لو شنو چان يدور باله ، باوع عليه وخزرني بعينه لاتصفنين كملي اكل ، گلته اموت واعرف بشنو چنت تفكر.
ليث: لاتصيرين فضوليه ترى الفضول الزايد يوگعچ بمصايب.
سرى: شسوي اذا ما اعرف الفضول حيموتني ، هنا لف مقرمشايه بكسرة خبزه وانطاها الي.
ليث: اكلي وخليني اشرحلچ شويه بعد مانخلص وبعدها اروح.
سرى: گعدت اكل بالگمه ، لا خلص عود نكمل غير يوم تعبت وهم اريد اراجع الي شرحتهن الي حتى ما انساهن وبالليل اريد اقره غير مواد واذا صار عندي مجال اگلب بالنت.
ليث: بكيفچ لعد وان احتچتي مني اي شي اني حاضر بكل وقت بس بعد خلي وقت الدراسه بالليل علمود امچ ماتتكلف وتسويلي عشه.
سرى: اشششش لا ازعل منك لاتعيدها عيب ماما مامسويتلك شي هذا الشي من عشانه.
ليث: احنا وناكل ، بس هيه مو عبالك تاخرت شويه بسلا اختها صارلها شي.
سرى: لا ان شاء الله وضعها يتحسن ، اگلك بعيداً عن خالتي انت تگدر تسويلي برامج اني ماعندي اي برنامج ، التفت عليه وهوه يبتسم.