سبحان الله وبحمده سبحان الله العظيم عدد ماكان وعدد مايكون وعدد الحركات والسكون
قبل البدء اتمنى من الجميع متابعة هذا الكاتب المبدع وقراءة روايته الجديده انه ليس كاتباً عادياً فهو يملك مجموعه من الروايات فائقة الجمال ، انه الحب والقلب والروح انه قمري الجميل اسمائنا تتشابه فهو The Dark Moon وانا Super Dark Star فيضن البعض اننا شخصاً واحد بسبب اسمائنا المتشابهه وعشقنا للكتابه لكن الحقيقه اننا شخصان لكن يحس ويفهم احدنا الاخر من دون كلام انه الجميل باخلاقه القوي بافعاله الكريم صاحب المشاعر الصادقه والقلب النقي ، رحبو معي اجمل ترحيب بالكاتب المبدع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🌟🌟🌟🌟🌟بسم الله🌟🌟🌟🌟🌟
"""""""بقلمي🖋""""""""
الشاعر والكاتب: عبدالاله عدنان
🌟🌟🌟🌟
🌟🌟🌟🌟
ليث: بعدها دخلت للبيت ودخلت لغرفتي وبدلت لبست برموده وتشيرت ابيض وگعدت ع الچربايه وظليت افكر بالي سمعته شراح اسوي هل ابتعد عنهم حتى ما اذي مشاعر سرى بس اذا ابتعدت راح يشكون انو اكو شي خلاني ابتعد ، الافضل اخلي الوضع طبيعي ولا كأني عرفت بانهم يريدوني انعجب بنتهم حتى اخطبها ، چنت مخلي الموبايل على يميني ع الچربايه شلته بيدي اليمنه وخليته ع الشحن وتمددت غمضت عيوني بس ماجاني نوم ، رجعت فصخت الموبايل من الشحن رغم شحنه قليل ، فتحته واتصلت على محمد ابو زينب ، دگ اول مره كامله وماكو رد ، دگيت مره ثانيه وماكو رد وبالثالثه چان يفتح الخط ، الووو وينك يمعود.
محمد: سيدي وقت نوم وقت نوم.
ليث: يانوم يمعود صوتك مال واحد گاعد.
محمد: سيدي غير شي غير شي.
ليث: افتهمت قصده وبنفس الوقت حسيت باحراج لاني اتصلت بهل لحظه ، ليش ترد وانت بهيچ حاله.
محمد: سيدي مو انت جلطته للموبايل من كثر الاتصال فخفت لاصاير شي ورديت عليك.
ليث: ع العموم اني اسف اتصلت بوقت غلط بس دزلي رقم ابو واحد من الابراج اريد اتفق وياه حتى باجر اسحب انترنت ليه وللجيران.
