( ارمله اخي___والعشق ادمان ♡)

بارت 2

ورغم هيه بت خالتي موافقه بس ابوهه عارض على زواجه من حميد لان وحيد ويخاف بته اتضل كاعده يم عيالهه ومتطلع بس خالتي تحترم وتحب حميد فه عاندت زوجه وخلته ينطي بته النه اشلون عقليات وبعد هالمعانات اليوم زواجهم كعدنه من صبح انظف البيت قسم لازمات المطبخ واني لزمت استقبال واخذت مكناستي ودخلت اللاستقبال حتى انظفه وشفت حميد نايم ومتلفلف بالبطانيه مابين شي حتى راسه ردت اكعده كمت اغني واركص وادفر بي اريده يكعد ماكو شو هذا مجلب بالبطانيه ميقبل يوخرهه عنه صحت على ماما حتى اتكعده شو ماما كامت تغلط عليه ومفاجأة طلع مو حميد طلع هذا صاحبه بايت يمنه علمود عرس حميد يافشلت الفشله بس يله ميعرفني اني منو خليني اغلس احسن

كملنه شغل البيت واجه حميد طب سبح وبعدين طلع وصبينه غذه واتغذينه وخطار بدو يجون يمنه للظهر اني صعدت للغرفتي وطبيت سبحت وكويت شعري وخليت مكياج خفيف ولبست فستان قصير ولونه اسود وحذاء اشوي عالي مو كلش رحت لامي اخذ رأيه بالفستان اول ماشافتني كالت

الام: فال الله ولا فالج شطالبه الولد ولابسه اسود بعرسه امشي انزعي لا اكوملج والله

فاطمه: شبيج ماما صدك تحجين يمعوده هو لون شياثر اووووووف

الام: انزعي احسن ماكوم اني انزعج غصب واشككه هم يله كدامي بسرعه

لهنانه خلصت بليل اكمل قصه اوله وهاي قصه بس بل نهار انشر