( ارمله اخي___والعشق ادمان ♡)

بارت 4

السايق هو صديق حميد الي باوع عليه ويضحك ياوالقسمه اخلص من ام حميد يطلعلي صديق حميد خرب بيومك ياحميد

صعد يسوق واني عيني على الجام ابواع على سيارات الزفه وحيييل فرحانه لحميد وبيبياتي ثولني بسوالفهن وصديق حميد ساكت ميحجي شي بس يسوق دك تلفوني اريد اطلعه من جنطه درت وجهي صدفه صارت عيني بعينه شو هذا خازرني سلام قولا من رب الرحيم هذا شماله هيج يباوع مااهتميت فتحت خط ويه صديقتي حجيت ويله ونوب سديته باوعت مرة ثانيه شو هذا مبتسم ( خبال اي والله خبال) كلت بكلبي

وصلنه لبيت عروسه ونزلنه كلنه وطبينه نركص ونغني ونهوس وفرحانين كلش بعدين اجه حميد اخذ عروسته وطلعنه عروسه من طلعت من بيت اهلهه دمعت عيونهه اني هم دمعت مااتحملت الموقف رجعت صعدت بالسياره وامسح دموعي واجن بيبياتي صعدن شافني امسح دموعي كاللي خايبه شمالج هو اكو احلى من عرس وثانيه تكول يتعايرن بنات هالوكت يكلتن روحهن على عرس من يصير صدك يتباججن واني ساكته استمع لكلامهن لان اذا ادخل شيخلصني بعد واجه صديق حميد صعد بالسياره ومشت سيارات ورجع الركص والهورانات والموسيقى واني هم رجعت اباوع من جام وبعدين وكفو يم استوديو مال تصوير واحنى السياره الكاعده بيهه هم وكف

وبس هذا بارت قصير لان بارت 5و بارت 6 راح يكون تعريف عن البطل