( ارمله اخي___والعشق ادمان ♡)

بارت 3

فاطمه: خرب خرب خرب شهالتخلف ياربي ادري شيصير قابل تموت عروس ظليت امشي وادردم على ماما هسه شلبس واذا نزعته ولبست غيرها لازم اغير مكياج خرب ام حميد والله عندج سوالف واني دامشي وعصبيه واحجي وي روحي فتت من استقبال واشوف صديق حميد واكف بالباب الاستقبال يلبس بحذائه ويضحك ظليت جامده بمكاني مااعرف ليش هو هم باوعلي وابتسم بوجهي ودخل خرررب هذا شبي يضحك اكيد سمع كلام امي اي اذا صوتهه واصل لسابع جار شلون مايسمعها

بس عزه خاف هو هذا الجان النايم بالاستقبال وعرفني بس لا لا هو مغطي حتى راسه شمدري هاي اني اووووووف هسه شلبس اااااااخ منج ام حميد ورطتيني صعدت ادور على شي البسه رحت لملابس اختي هبه هيه اكبر مني بسنه بس نتلابس نفس قياس فتحت كنتورهه شفت عنده فسانين

واحد احمر
واحد ابيض

ايييع شهالقرف هنه هذني هم اللوان ادري ابيض شنو معرسه البس لاحمر احسلي اخذته ومو كلش عجبني لان ماحب هاللون واحب اللون اسود واللوان غامقه لبسته وغيرت بس حمره ورجعت نزلت لكيتهم يصعدون بالسيارات رحت للسياره البيهه اخواتي لكيتهه مقبطه صاعدات بيهه اخواتي مزوجات وجهالهن وبنات خالاتي وعماتي يعني ماكو مجال صاحت عليه ماما

الام: تعالي اصعدي اهنا يمي

فاطمه: اهووووو ماكو مجال بس يمج ( هذا حجي بكلبي) لان اذا سمعتني راح اضل ترزل بيه طريق كله لا تباوعين ولا ضحكين ولا تحجين ولا سوين هيج ياولحظ رحت صعدت يمه السياره عيائليه عاليه كلش حلوه بس مااعرف شنو اسم السياره لكيت ماما وياهه بيبياتي ام ابويه وام امي يعني خوش شله مال عجايز وره شويه اجه حميد نزل ماما يريدهه تكعد بالصدر ماقبلت اول شي بس اصر عليه واني ردتهه من الله قنعته ونزلت كعدت بالصدر وبقيت بس اني وبيبياتي بله ذني سهله لان فاقدات ذاكره

وبعدين حركن سيارات واحنى سايق ماكو كمت ادردم عليه

فاطمه: هسه هذا وين وله مو راح يوصلون واحنى بعدنه ودقايق وانفتح الباب وصدمههه السايق هو............

ولهنانه خلصت البارت انشاء الله بليل اكمل