( ارمله اخي___والعشق ادمان ♡)

بارت 15

فاطمه: بعد ماخابرني عصام حسيت جسمي كله كام يرجف خفت لاني متوهمه بالمشاعري ويروح يكول لحميد وخفت لا ياخذ نظره مو حلوه عليه وخفت لا يطلع يضحك عليه وكل افكار السيئه اجتني لا السويته اكبر خطأ اني صوجي سمعت كلام الاء

مر اسبوع واني غالقه تلفوني من خوف واخاف افتحه ويخابر واضل حايره شكله واهلي كتلهم قفلته لان عندي امتحانات وكمت الهي نفسي بالقرايه حتى لا افكر بي لان احسه شي مستحيل يصير وحتى اذا راد يصير مو اني الابدي بي

عصام: خلصت اجازتي وطلعت من صبح واني زعلان من اهلي حتى ماسلمت على اي احد يريدولي على مزاجهم وماقبلو على شرطي ورجعت الوحدتي واني ضايج حيييل الرقم اخابر عليه وماكو مغلق صار عندي فضول اعرف منو ذكرت عندي صديق يكدر يطلعلي صاحب الرقم خابرته

الولد: اذا مو اليوم باجر من الصبح رقم وصاحبه يمك

عصام: اي والله ياريت ضحكنه شويه وراحت انتضرته لليل ماكو ماردلي خبر ثاني يوم صبح كعدت على صوت منبه سديته واباوع على تلفون لكيت رساله من صديقي دازلي الرقم والاسم من قريته كمت على حيلي وكمت اركص واصيح

لا لا يالله ماصدك ماصدك بعدين انتبهت على روحي هلا هلا هلا عصام تركص وفرحان على هالزعطوطه الاكلت عقلك بس ياعمي هالزعطوط موتتني رجعت خابرت غالقته

عصام: خرب يومج على هذا الراس اليابس عدهه اراده مو طبيعيه هاي البنيه قررت اروح لمدرستهه واحاجيهه حتى اذا عدهه مشاعر اتجاهي لو اعرف اكلب الدنيا واخذها كمت دخلت الحمام وادندن ويه روحي

طلع عاشك

طلع مهتم

طلع دايب

طلع ولهان

واني احسب وحدي الميتم طلعنه اثنينه عشاااك كملت لبست ملابسي وتعطرت وشغلت السياره ورحت لمدرستهه باوعه ساعه بــ7 وربع الصبح يعني مادري اذا اجتي او بعدهه بس بعد وكت ضليت انتضره وعيوني تتحفص كل البنيه تمر وادور عليها بيناتهن لحد ماشفته تمشي ومدنكه راسها وياهه صديقته اسولف وتضحك وهيه ساكته حتى ابتسامه ماكو حسيتهه متغيره مو ذيج اللسانه طويل ومشاغبه وابتسامه ماتفارك وجهه نزلت من السياره وضليت واكف كدامهه بس هيه ابدا مارفعت راسهه لحد ماوصلت يمي