( ارمله اخي___والعشق ادمان ♡)

بارت 13

فاطمه: هاا والله غرفتنه بارده هنا شويه ادفى وكلت اجي اكعد هنا

حميد: خلصتي امتحانات لو بعدج؟

فاطمه: لا بعدني والله

حميد: دكومي جيبي كتبج وتعالي هنا اكعدي واقري بين ما اتغده واسويلكم المكيف

لام: اي يمه مكيف عطلان ومينطي تدفئ

فاطمه: هاا اي اي اي عطلان مااعرف شلون هيج حجيت وطلع صدك المكيف عطلان يله على اساس اني ادري بي نزل حميد ومرته هم ضليت كاعده بمكاني لحد ماتاكدت نزلو رحت ركض الموبايل فتحته سجلت الرقم بجهازي ورجعت جهاز على ميز وطلعت من غرفه حميد ورحت لغرفتي قفلت الباب وطلعت رقمه مااعرف شلون خابرت واني حتى مااعرف شراح احجي واكله شرايده مخابرته دك تلفون وماكو مارد فرح بداخلي وحزن لان ماعندي اي عذر اكله قفلت موبايلي وصار المغرب واني رحت اقره قريت وكلش تعبت احس عيوني تغوش كمت توضيت وصليت ونزلت سويتلي لفه على سريع وصعدت انام لان تعبت حييييل خليت راسي على مخده واذكرت عصام وتلفون مقفول اتمنيت ابقي مقفول وابد مافتحه لان خوف البكلبي ماعرف منين وشكو بعدين اتردد وفتحته مالكيت اي مكالمه ولا اي شي خليت تلفون يم راسي ونمت واني مرتاحه

___________________♡_______________
عصام: ماحسيت بالوكت نزلت جوه وكعدت يم امي ووجهه ثكيل عليه حييييل وحتى متقبل تباوع بوجهي جانن اخواتي كاعدات يمهه كتلهن صيحلي نضال راحت اختي صاحتلهه

نضال: هاا عصام محتاج شي؟

عصام: لا مامحتاج شي بس اكعدي عندي حجي ويه الكل واريدج تسمعيني زين

كعدت نضال وكعدو الكل

عصام اسمعو امي صارلهه سنتين من استشهد حسام (اخوه) لليوم هيه تلح عليه ازوج نضال واني ارفض لان الله شاهد حاسبه حسبت اختي لا اكثر ولا اقل وقبل يومين خابرتهه وكتلهه اريد اخطب اخت صاحبي وعارضت وعلى اثرهه اتمرضت وهسه هيه زعلانه متقبل تحجي وياي انتم شنو شوركم (شنو رايكم) اليه انتم كلكم اكبر مني واريد شوركم بالموضوع وابالخص انتي نضال عاجبج هذا كلام

ولهنانه خلصت باجر انشاء الله انشر