( ارمله اخي___والعشق ادمان ♡)

بارت 12

  عصام: ماطاوعته ومشيت وره كلبي وزعلته مني وخليته تتخربط دخلت سبحت وبنات صبلي اكل لان جوعان وكتلهن فرشلي يم امي فرشن يمهه ونمت للصبح سمعت صوت جهال وابويه يصيح عليهم وامي كاعده تتريك رفعت راسي

عصام: صبحج الله بالخير حجيه

ام عصام: هلا يمه

عصام: بشري شلونج اليوم

ام عصام: ماصير زينه لحد ماتكلي موافق على زواجك من نضال (زوجة اخوه شهيد) باوعت بعيونه ماكدر اكللهه لا وهيه منا تعبانه ضجت حييل وخليت وطلعت ماحجيت شي يارب شهالورطه هاي منين اجتني فاطمه وهيج سوت بحالي خلتني ماشوف غيرها اي مره طلعت افتر مريت على عمامي سلمت عليهم ومارجعت لظهر يله رجعت لبيت دخلت لكيتهم كاعدين يتغدون سلمت ودخلت للحمام سبحت وطلعت جابتلي نضال غده اتغديت وراهه دخلت للغرفه اريد انام وجان يجون جهال اخويه ضلو يلعبون ويكمزون لعبتهم شويه بعدين تعبت صحت على امهم تاخذهم جان واحد بيهم يضحك ويكول هيه ماما دازتنه عرفت الفلم شنو بس غلست عن الموضوع طلعتهم بره ونمت واني نايم سمعت تلفون يدك بس من كد ماتعبان ماشفت منو ولا جاوبت ونمت

فاطمه: ضلت احجايت الاء بالي بس ياربي شلون اخذه الرقم وشلون اتصل وشكله ضليت بحيره اروح مان وارجع منا لحد ماسمعت صوت حميد اجه من دوامه وكلبي كام يرجف يارب فدوووه ساعدني حتى اخذ الرقم سمعته صعد ودخل لغرفته وره شويه طلع ماخذ ملابسه ودخل الحمام رحت ركض لغرفه لكيت مرته كاعده سويت روحي اسولف وياهه وعيوني تدور على موبايل وبعدين شفته على ميز رحت يم ميز واخذته سويت روحي اكلب بي واسولف وياهه وهيه جاي تعزل بغرفتهه طلعت الرقم اباوع عليه وارجع اطلع من قائمه اسامي حايره وخايفه ماعرف اذا اخذه شنو راح يصير بعدين سمعت صوت حميد طلع شمرت تلفون على ميز وكعدت على جربايه واسولف ويه مرته دخل سلمت عليه

حميد: هاا شو هنا كاعده شعجب منج من شيطان