قالوا " الحب يصنع المعجزات "
وأنا اخبرك أن الحب هنا هو " أحد المعجزات "، لكن لا تنس أننا يا عزيزي في زمن المعجزات .
الوجه الآخر للمافيا ( أحفاد اليخاندرو 2)
سلسلة ابواب الجحيم التسعة (الجزء الثاني)
رحمة نبيل .
تأفف ذلك النائم وهو يتقلب على الفراش بملل يحاول ألا ينهض ويتسبب في جريمة قد تنهي حياته، رفع طرف الغطاء يواري به جسده ووجه، علّ ذلك يكون إشارة واضحة منه لتختفي تلك المزعجة من جواره وتتركه ينال القليل من الراحة .
لكن ما كانت أم فتحي لتيأس وهي تدس رأسها أسفل الغطاء قائلة بهمس :
_ أدهم أنت نمت ؟!
صرخ ادهم بجنون وهو مازال أسفل الغطاء رفقة رأسها :
_ ولو قولتلك نايم يعني هتسبيني في حالي ؟!
_ لا هصحيك .
مدّ ادهم يده ثم دفع رأسها خارج الغطاء بغيظ مرددًا :
_ امشي بدل اقسم بالله هقوم ارجعك لاصلك واخلي روحك تطوف في العمارة متلقيش جسم تسكنه .
جذبت هالفيتي الغطاء من فوقه وهي تتحدث ببسمة وسعادة غير مهتمة برفض أدهم لما تفعل :
_ اسمع بس مش تعرف أنا عايزاك ليه الاول ؟!
فتح ادهم عين واحدة وهو يقول بتساؤل:
_ ليه إن شاء الله ؟!
اتسعت بسمة هالفيتي وهي تضم يديها لصدرها ثم صمتت ثواني قبل أن تقول بسعادة وصوت مرتفع :
_ الجو بيمطر ...
ثواني مرت وهي تنظر لوجه أدهم تنتظر ردة فعله، بينما هو يرمقها ببلاهة وجمود ودون أي ملامح تذكر، واستمر الاثنان في النظر لبعضهما البعض، قبل أن يقول ادهم بعد صمت طويل نسبيًا :
_ بس كده ؟!
_ بس ايه ؟!
_ مفيش تكملة لكلامك، يعني مثلا الجو بيمطر دهب أو الجو بيمطر سندوتشات بطاطس سوري، أي حاجة تشفعلك عندي ومتخلنيش اقوم حالًا ادخل فيكِ السجن واشرد ابنك المسكين ؟!
_ ايه ؟! طب ما تستنى نطلع فوق السطح وتقول اللي عايزة، اصل الكلام الرومانسي بيكون احلى تحت المطر .
_ معلش خديني على قد عقلي .
اقتربت منه هالفيتي منه وهي تحرك خصلات شعرها للجانب الآخر من رقبتها مفسحة الطريق أمام ادهم حتى لا تحول خصلاتها بينه وبين أذنها .
لكن أدهم ابتسم وهو يهمس لها بصوت خافت هامس :
_ اخرجي من الاوضة واطفي النور بدل ما اقوم اطفي الحياة من عينك، والمرة دي مش بس شادية لا منظمة حقوق المرأة كلها مش هتحوشني عنك .
استدارت هالفيتي صوب ادهم بعنف وهي ترمقه بشر كبير تحاول ابتلاع حديثه قبل أن تقول :
_ يعني ايه ؟! يعني مش هتطلع تقولي كلام رومانسي وترقص معايا تحت المطر ؟!
_ ارقص ايه انا آخر مرة رقصت معاكِ تحت المطر اتزحلقت مسحت سلم العمارة ولولا شادي وقف في وشي ووقعت عليه كان زماني دلوقتي على الحدود المصرية السودانية بعدين أنا راجع من المستشفى تعبان و........
صمت وهو يفتح عينه بصدمة مرددًا :
_ أنتِ بتعملي ايه يا مصيبة أنتِ ؟!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يوم ٢٥ يناير هنزل المواعيد ...
النوفيلا دي مش من ضمن رواية احفاد اليخاندرو يعني هي مش جزء ثالث للرواية، دي برة الروايات كلها .
دي نوفيلا منفصلة تماما، هيكون ليها ملف خاص وغلاف خاص برة الاحفاد وهنزلهم يوم ٢٥ بإذن الله مع المواعيد وإن شاء الله تعجبكم اوي لأن النوفيلا دي مجهزة ليها شوية احداث من العيار الثقيل ومفاجآت كتير اوي هتعجبكم.
فارتقبوا القادم ...
ومتنسوش إن جميع رواياتي الورقية هتكون في معرض الكتاب .
