السلام عليكم جميعًا .
طبعًا الكل طالب بمواعيد الرواية اللي هننتظم عليها بإذن الله، وانا للاسف مقدرتش ارد قبل كده بسبب اموري، وعشان كده نزلت البوست ده ارد فيه على كل الاستفسارات .
بإذن الله مواعيد الرواية هتكون بإذن الله كل #اثنين_وخميس. الساعة ٧ .
طيب شوية هيقولوا يومين شوية وعايزين ثلاث ايام .
طب أنا معاكم في كلامكم، بس خلينا نبص عليها من زاوية تانية، الفصل اللي بنزله حاليًا أقل عدد كلمات بيكون ٦٥٠٠ كلمة، يعني بنزل فصلين في الاسبوع كل فصل اكبر من اللي قبله وساعات بيعدي الـ ٧٠٠٠
طيب انا بكتب الفصل في كام يوم ؟!!
ثلاث ايام والله باخد كل يوم تقريبًا ما بين ٢٠٠٠ لـ ٢٥٠٠ كلمة عشان اقدر اخلصهم في ثلاث ايام، طبعًا دي كتابة بس دون ذكر ترتيب الأحداث والتفكير في الحبكة وتظبيط المشاهد .
فلو أنتم حابين اني انزل ثلاث ايام، هيكون كل فصل قصير يعني تقريبًا ٤٠٠٠ كلمة، يعني ممكن اربع خمس مشاهد كده، حاجة لا تسمن ولا تغني من جوع، هتحسوا انكم اساسا ملحقتوش تتذوقوا المشاهد وهوووب خلص، يعني تحسوا الفصل ناقص اساسا .
فكره افضل ولا انزل فصلين احداثهم كتير وممتعة ومشاهدها أكثر وتستمعتوا بيها ؟!
أنا عن نفسي بفضل اني انزل فصلين كبار بدل ما أنزل ثلاثة صغيرين، وانا وضحت وجهة نظري .
وحتى الآن المواعيد زي ما قولت
#اثنين_وخميس
الساعة ٧ بعد المغرب بإذن الله .
يعني كده اشوفكم على خير الخميس القادم.
واتمنى أي شخص عنده اعتراض يبلغني بيه ونتناقش سوا عشان يكون الكل مرضي وشكرًا لكم احبتي 🖤
اهم حاجة يكون الكل مرضي ومستمتع بالرواية .
أنت تقرأ
الوجه الآخر للمافيا ( أحفاد اليخاندرو 2 )
Açãoقالوا " الحب يصنع المعجزات " وأنا اخبرك أن الحب هنا هو " أحد المعجزات "، لكن لا تنس أننا يا عزيزي في زمن المعجزات . الوجه الآخر للمافيا ( أحفاد اليخاندرو 2) سلسلة ابواب الجحيم التسعة (الجزء الثاني) رحمة نبيل .
