بعت نفسي

البارت 6

البارت 6
بعد ساعه كان المطعم اتقفل والبوليس جوه بفتشو كل الشنط
مليكه كانت قاعده علي كرسي وهي خايفه وحاسه انهم حايتهموها بي السرقه بعد ما رفضت انها تروح معاه الشقه
اكرم اتصل بي جدو وحكالو كل حاجه بس للاسف رحيم الشرقاوي اتعصب وكان مبسوط ان ادهم عايز يربي مليكه عشان مدت ايديها عليه قدام الناس و وصي عليها حبايبو في الداخليه
ادهم كان واقف بكل شموخ وغرور وهو شايف الخوف في عنيها وايديها بتترعش
مليكه كانت في دوامه مش عارفه تتصرف مستحيل تروح معاه الشقه دا معناه انها خلاص فرطت في شرفها ومش عارفه تقول لي امها ايه اللي كل شويه بتتصل ولا عارفه تطلع من الورطه دي ولامت نفسها علي تسرعها وأنها ضربتو بي القلم
**واحد من الضباط اللي كانو بدورو
التقينا الساعه دي في الشنطه دي
**ادهم دي الساعه اللي اتسرقت مني
**ضابط شرطه شنطه مين دي ؟؟؟
مليكه شافت الشنطه بتاعتها ودموعها نزلت
**ضابط ما تتكلمو بتاعت مين دي؟؟
**شروق دي بتاعت مليكه
**الضابط فين هي مليكه ؟
**شروق اخي اللي قاعده هناك
وشاورت ليه بصباعها عليها
**عم جورج اكيد في سوء تفاهم مليكه دي بنت جدعه وامينه
**ادهم عم جورج انت بدافع عنها ؟
**عم جورج انا بقول الحقيقه بلاش الاذيه دي يا ادهم بيه وحياه الغالي رحيم بيه البنت غلبانه
**ادهم بصوت عالي شوف شغلك يا حضرت الضابط
**الضابط توجه لي مليكه

دي شنطتك؟؟
**مليكه ايوه
**الضابط والساعه دي ؟؟
**مليكه اكيد مش بتاعتي
**الضابط وبتعمل ايه معاكي ؟؟؟
**مليكه بقهر وعياط وقفت
انا حاقولك الحقيقه وعارفه انك مش حاتصدقني و حتي لو صدقتني مش حاتعرف تعمل حاجه عارف ليه لاني بنت غلبانه و يتيمه بشتغل عشان تصرف علي امي العيانه واخواتي
كل الموضوع اني دلقت القهوه علي الباشا ومكانش قصدي لانو هو اللي دخل فيا اعتذرت ليه بس هو شتمني وتاني مره هو كان قاصد اني ادلق عليه الشربه وروحت اعتذر منو
قالي لو عايز يقبل اعتذاري لازم اروح معاه الشقه
يعني عايزني اسلمو نفسي وشرفي عشان الباشا شايف كل البنات معندهمش شرف لما رفضت لفقلي التهمه دي
و اهو انا قدامك
حاتعملو فيا ايه؟؟
**واحد من الشغالين
لا يا ساعده البيه
الباشا نسي ساعتو في الحمام كان بيغسل ايدو ومليكه دخلت الحمام اخدتها وشوفتها بي عنيا دول حطتها في شنطتها وكانت حاتهرب
**مليكه حسبي الله ونعم الوكيل
لحضات كان فيه صمت
**اكرم خلاص الحمدلله لاقينا ساعتك يا ادهم
**ادهم حسام شوف شغلك
**الضابط يلا معانا علي القسم
**اكرم قسم ايه لا ادهم مش حايعمل محضر ولا ايه ؟
**ادهم انا حاسبق علي القسم عشان اعمل المحضر
مليكه كانت شبه مصدومه وساكته مش بتتكلم
حطو الكلابش في ايديها وراحت معاهم
ادهم طلع بجري وراح وراه اكرم
مليكه صعبت عليه اوي اوي
**عم جورج ليكي ربنا يا مليكه اما انتو الاثنين مالكمش عيش عندي ربنا ياخدكم
يا راجل دي في دور بناتك تتهمها بي السرقه عيني عينك عشان شويه فلوس تدخل الحرام علي اهل بيتك اخص عليك وعامل ليا فيها بتاع ربنا وبتصلي الفرض في وقتو
حاتقول لربنا ايه والبنت راحت مضلومه
وانت من ساعه ما جات البنت وانت حطاها في دماغك البنت مالهاش في الشمال بي العافيه ولا انت رخيصه عايزه كل البنات يبقو كده
**شروق حوش حوش مين اللي بيتكلم مش انت اللي بتسلمنا لي الزباين ولا نزلت علي ايدين مليكه
**عم جورج انا مابسلمش حد اللي عايز يروح يروح اللي رخيص يرخص نفسو معنديش مشكله بس اللي شريفه باحميها شوفي كم بنت بتشتغل معانا عمرك شوفتيني فرضت علي وحده تروح مكان
انتو اللي بتقشطو الزباين
ماشوفش وشك هنا ثاني يلا غورو
خليني اتصل بي محامي الحق الغلبانه دي اللي راحت فيها
في نفس الوقت ادهم كان حاط ايديه الاثنين في البنطلون وبيضحك وهو شايفها جارينها و ركبوها البوكس وراحو
**ادهم حاتفضل تبص ليا كثير ؟؟
**اكرم حرام عليك البنت يتيمه وامها تعبانه
ليه اذيه دي ؟؟
**ادهم انت ايه؟؟ ماشوفتش البهدله اللي حصلت ليا فوق يا اكرم انا ابن عمك مش واحد صاحبك
**اكرم للاسف انت ابن عمي اللي ماكنتش عارف انو بي القسوه دي
راح ركب العربيه وسابو
في القسم
مليكه انهارت لي العياط
**الضابط مليكه انا عارف انك بريئه بس مش في ايدي حاجه
لازم ادهم ليه يتنازل
**مليكه ماهو مش حايتنازل كده يرضيك يا بيه اتنازل علي شرفي دا انا ماحلتيش غيرو
لو انا كنت بنت رخيصه كان حايبقا دا حالي يا بيه انا عمري 18 سنه وبدرس وامي تعبانه ويشهد ربنا اني نزلت اشتغل عشان اعرف اودي امي تكشف
واخدت سلفه عشان التحاليل ويمكن امي محتاجه عمليه قلب وحضرتك عارف هي مكلفه قد ايه لو انا رخيصه كنت وافقت اروح اشتغل في كباريه استغفر الله ولا عملت اي حاجه عشان امي واخواتي ولا وافقت اروح عندو الشقه مكانش دا حالي
هو حايحصل ليا ايه؟ هو ممكن اتسجن ؟
**الضابط حسام كان متعاطف معاها
قام من مكتبو واداها مناديل ومياه
اشربي يا مليكه
اه لو ما اتنزلش حتتعرضي علي النيابه وتفضلي علي ذمه القضيه 4 ايام ويتحول ملفك المحكمه وتنطسي بين 6 شهور لي سنه
**مليكه بخضه يا نهار اسود اتسجن مضلومه
في نفس الوقت دخل ادهم من غير ما يخبط الباب
**ادهم خلصت المحضر ولا لسه انا مش فاضي
الضابط حسام اضايق من أسلوبو المستفز
**الضابط ممكن حضرتك تتكلم معاها وتحاول تتفاهمو البنت لسه مكمله 18 سنه وبتدرس مستقبلها حايضيع
**ادهم ومالو نتفاهم
الضابط طلع وسابهم
**ادهم قولتي ايه؟؟
**مليكه في ايه ؟؟
**ادهم وبعدين بقا انك تيجي عندي الشقه
**مليكه ولما اروح عندك ايه اللي حايحصل ؟؟
**ادهم وهو بيضحك كل خير حارميلك قرشين تعالجي امك وانت وشاطرتك بقا لو بسطتيني وعجبتيني حاتعيشي كويس وحديكي مبلغ محترم بس تكوني تحت رجلي خدامه لمزاجي
**مليكه ودا يرضى ربنا؟؟
**ادهم الجمله دي وجعتو
بلاش تعملي الشويتين دول عليا
**مليكه بس انا عمري ماروحت شقق انا مش كده صدقني يا بيه اعتقني لوجه الله وسامحني عيله وغلطت ابوس ايدك امي تروح فيها لو اتسجنت اخواتي حايتيتمو دول لسه صغار
**ادهم في ايدك تنقدي نفسك و اخواتك
انا حطيتك في دماغي يبقا خلاص لما ادهم الشرقاوي يشاور علي حاجه يبقا لازم الحاجه دي تيجي لحد عندو
**مليكه بس انت بتطلب مني حاجه حرام
**ادهم انا مش حافضل الوك معاكي كثير مش فاضي قولتي ايه؟؟
**مليكه فضلت تبص عليه كثير
يرضيك حد يعمل في اختك كده ؟؟
**ادهم الحمدلله ماعنديش اخوات
**مليكه اعتبرني اختك واحميني من نفسك
**ادهم لا
**مليكه السجن اهون عليا اني افرط في شرفي واعمل حاجه تغضب ربنا
**ادهم اخر كلام عندك ؟
**مليكه اخر كلام بس لازم تعرف ان ربنا ما بيرضاش بي الضلم عشان انت بتضلمني و بتتسقوي عليا
روح منك الله
حسبي الله ونعم الوكيل فيك