بعت نفسي

البارت 58

البارت  58

*فارس قول، وانا سامعك

  *أدهم  في فرق كبير بين مليكه وكامليا في أول ليله
أولا أنا مش من طبعي أريل  على أي ست، وكنت مصدوم من نفسي مع كامليا
أول ليلة بيني وبين مليكه كانت خايفه مني موت، وكنت شايف بنت قليلة الحيلة والخبرة عكس كامليا كانت مسايراني، وممكن تكون ليها أيد كبيرة إني ضعفت قدامها لبسها وطريقة كلامها دلعها
عمري ما حسيت بيها أنها خايفه مني أول تجربة لها
معلش عارف إنو صعب أتكلم علي أم بنتي كده بس والله أول مرة أفتح قلبي مع حد في الموضوع دا أنا معنديش أصحاب خالص بعد أكرم

ومبسوط بيك جدا أننا نتكلم

  *فارس أنا، فاهمك أنا كنت متجوز وفاهم يعني إيه الفرق بين ست  أول مرة و ست  عندها خبره

*أدهم للأسف كامليا من نوع الثاني أو ممكن جريئة، أو يمكن مليكة أثرت فيا جدا، فا بقيت شايف الستات لازم يكونو زيها مش عارف، ومش عايز أظلم  كامليا

*فارس وعلاقتك بيها دلوقتي؟؟

*أدهم شبه منعدمة ممكن شهور مقربش  منها وعندي عادي والله لدرجة قولت  هو الحادثة أثرت عليا، وروحت كشفت لاقيت نفسي كويس

أصلا لما ارجع يا هي نايمه يا طالعه سهرانه

*فارس، ولما كنت متجوز مليكة؟

*أدهم كنت مبسوط بجد والفترة اللي كانت معايا كانت العلاقة كل يوم
وأنا مع كامليا لا
تعرف أني بحس إني عايز أعمل الموضوع دا وخلاص لأني خايف اظلمها أول جواز آه كانت هي على طول بتعمل المبادرة بس بعد السنين بعدنا عن بعض ما فيش حاجة تربطنا غير ملك وبس هي في واد وأنا في وادي تاني
لدرجة بحس إني متجوز  بس لما تكون حفلة أو عزومة أو عشاء عمل
كامليا وجه مشرف
الكل يشهد بجمالها وأناقتها وعندي مشاكل كثيرة؛ بسبب لبسها
بس أنا الجمال دا مش حاسس بيه،
رغم أن مليكة بنت طبيعية جدا جدا وسمرا ومش البنت اللي تحط ميكاب، وتلبس علي المودا بس ليها سحر خاص، أو يمكن أنا اللي كنت شايف كده

  *فارس أنت حبتها ومش قادر تشوف ست تانية مكانها

*ادهم يمكن اه  بس فعلا مليكه شخصية كويسه جدا ودا بشهادة الجميع

*فارس أكرم قالي كده أنها كانت بتساعدك جدا وواقفة معاك

*ادهم فعلا رغم  إني عذبتها جدا، وضربتها وا إهانتها وهي ردة فعلها لما حصل الحادثة غير متوقع بعد العذاب اللي شافتو معايا المفروض تبعد عني لا دي كانت واقفة معايا، واستحملت قرفي وكانت ستر وغطا ليا

*فارس إن شاء الله تلاقيها وترجعوا تعيشوا مع بعض

  *أدهم يا رب
على فكرة أنا عايز أسافر بلد حودة الراجل دا يا ما ساعدني وأنا فكرت إنو خلاصاً تخلى عني بس بعد اللي سمعته من عم مدبولي لا لازم ارجعوا