بعت نفسي

البارت 75

البارت 75

**مليكة عم محمد هو أنت تعرفو؟

*عم مدبولي آه أعرفو ما هو جا القصر بعد ما ولدت علشان يعرفهم ويساعدوه يبثو العقد الجواز أو رحيم باشا يسجل إلى ولدتيه ساعتها ما سمعتش ولدت آية ما الست عصمت كانت مسيطرة ماخلتش رحيم باشا يتكلم

**مليكه يعني هما أصلا كانو عارفين إن ولدت قبل ما أروح ليهم؟

*ياسين هو أنت روحتي؟

*مليكه يومين قبل ما الولاد يكملو سنه يوم ما خالد تعب واتحجز في المستشفى ومكانش معايا فلوس اعالجو
سيبت ماما صباح في المستشفى، وروحت الإسكندرية القصر والشركة
دا انا حتى قولتلو حفيدك تعبان ومش معايا فلوس
قالي أنت جايه تشحتي
لولا أنك أديتني فلوس فرحك وعلشان المستشفى كان ابني مات
وعايزني ارجع بعد العداب كله اعيش معاه
قولو يا ياسين انا اتعذبت قد إيه علشان أصرف على خواتي وولادي اشتغل ليل ونهار بنام ساعتين يا دوب أريح جسمي قولو بدخل جمعيات قد إيه علشان اعرف أوفر فلوس المدرسة كنت مدخلاهم مدرسة خاصة على قدي بس ماقدرتش على مصاريفها، ودخلتهم مدرسة حكومية
جدك قال ليا بي الحرف الواحد لو قربت منك حايقتلني، وانت مش بتخلف يبقى البنت اللي مخلفها بنت مين؟؟ ليه جدك مافكرش أنو ظلمني ويقولك الحقيقة كنت دورت عليا
قولي حاتقول لي ولادك إيه ؟؟
الحارة وكذبنا عليهم
بس ولادك مش حايسكتو،
وانهارت عياط

*ياسين قام حضنها
بالله عليكي ماتعمليش في نفسك كده

* مليكه آاااأاااه انا موجوعة أوي وخايفه على ولادي

*أدهم كفاية يا مليكة تعذب نفسك، وتعذبيني معاكي والله حاخد ليكي حقك من كل حد فرقنا عن بعض
ومش حاكذب عليكي لما عملت العملية قالولي بعد الحادث بقا عندي مشكلة أني أخلف انت عارفة حالتي بعد ما اتحسنت بفضلك بس لما مشيتي تعبت
وعملت تحاليل DNA في فرنسا علشان أعرف إذا كانت بنتي ولا لا عارف إنو صعب أتكلم في الموضوع بس علشان تعرفين أني انا كمان اتعذبت واتجوزت كامليا غصب عني

*وداد قولو يا مدبولي

*عم مدبولي اسكتي يا وداد مش وقتو

*وداد لا وقتو ما خلاص العمر مابقاش فيه
بص يا بني أنت ماغلطتش مع كامليا هي أصلا كانت استغفر الله

*عم مدبولي يا وداد مش وقتو

*ادهم اتكلمي يا دادا دي مراتي ودا أخوها ماحدش غريب

*وداد بص يا بني لما كنا في القصر الست كامليا كانت حامل وأنا سمعتها بنفسي، والست عصمت سافرت بيها لبنان

هنا مليكه شهقت

*وداد البت زهرا اللي شغالة عندكم اتصلت عليا في يوم، وحكت ليا على اللي حصل
عصمت هانم حطت ليك حاجة اسمها منشط ولا معرفش ايه ، وهي كانت واخداها وعملت ليها عملية علشان ولا مؤاخذه ترجع بنت بنوت، من تاني
وانت شربت المقلب، واتجوزتها على أساس أنك أنت السبب ضيعت شرفها