بعت نفسي

البارت 72

البارت 72

**أكرم أنت كويس يا أدهم ؟؟

**ادهم شال إيدو من على رأسه هي قالت إنهم ولادي صح؟؟

**ياسين أيوه ولادك وزي ما قولتلك انت ممكن تتأكد ودا حقك

**أدهم من غير ما تأكد أنا حسيتهم ولادي اول ما شوفتهم قلبي طلع من مكانو خالد بيشبهني أوي وأنا صغير وخلود شبه بنتي ملك
الحمد لله يا رب أنا فرحان أوي
ونفس الوقت زعلان
هان عليك يا مليكة تحرميني من ولادي ؟؟
استاهل أنا منك دا !؟

انت عارفة مكاني ومكان الشركة والقصر وشقتنا ما قولتيش ليه سكت ليه؟ كنت ناوية تحرميني من أولادي على طول لا، وتقولي ليهم أني ميت دفنتيني وأنا حي ليه تحرمي ولادي مني، وتحرميهم من أبوهم كل دا علشان تنتقمي مني ؟؟

كان بيتكلم بصوت عالي

ووقف من مكانو

ردي عليا عملت كده ليه ؟؟

لا وسجلتيهم بي اسم راجل تاني ؟ وأبوهم عايش
أنت عارفة إني ممكن أسجنك واخد ولادي منك أنت أية؟؟ جالك قلب تعملي كل دا فيا

**مليكه أنت مش حتاخد ولادي مني، وعملت كده علشان أنت السبب جاي تحاسبني دلوقتي
حاسب نفسك أنا هربت علشان خوفت على اللي في بطني منك، ومن أهلك سجلتهم بي اسم راجل تاني غصب عني ما أنت اللي ضحكت عليا، وما سجلتش عقد جواز اعمل إيه ؟ علشان اطلع شهادة الميلاد، وأنت كنت مسافر لما ولدت
بتحاسبني ليه دلوقتي

هنا أكرم وياسين انسحبوا
وخلوهم يطلعوا كل اللي جواهم

**ادهم بس رجعت ليه مابلغتنيش إنك ولدت خبيتي عليا طول السنين دي ليه ؟
لو أنا مادورتش عليكي ماكنتيش حاتقولي ليا ؟؟
دا أنت أنكرت من شوية أنهم ولادي
كل دا علشان إيه؟؟ حرام عليكي أنا مش مسامحك يا مليكة على اللي عملتيه
أنت انتقمت من ولادك فيا حاتقولي لي ربنا آية؟؟

**مليكه أنت اللي حاتقول لربنا آية علي عمايلك فيا؟ رمتني في الشارع وأنا حامل شوهت سمعتي أني كنت عايشه معاك في الحرام لو أنا ما لاقيتش عم محمد جابني بيتو كان يحصل فيا إيه؟؟ أنا حميت ولادي من شرك وضلمك
ربتهم أحسن تربية علمتهم التسامح وأنهم ما يظلموش حد قولي لو عمتك ولا جدك عرفوا أني ولدت كنتو حتاخدو ولادي من حضني، ومش بعيد عمتك تقتلهم أنا بعدت بيهم رحمه بيهم منكم ما تجيش تحاسبني دلوقتي أنا شقيت وتعبت عليهم بشتغل ليل ونهار علشان أوفر لهم لقمة حلال ضيعت شبابي ومش ندمانة على فكره لاني عملت الصح كنت ناوية أولد وأجيبهم عندك بس لما لاقيتك مش مسجل عقد جواز اخدت قرار أنك ما تساحقش تكون الأب
لما رجعت ماسجلتش الجواز ليه؟ وانت كنت عارف إني حامل

**أدهم قالولي أنك سقطتي

**مليكه وانت صدقتهم

**أدهم أنا آسف أنا وأنت ظلمنا ولادنا وظلمنا نفسنا