بعت نفسي

البارت 9

البارت 9

ادهم بعد المكالمه اصر انو ينتقم منها
وفضل يفكر ازاي ؟
اما عند مليكه رجعت اوضتها علي السطوح  هي و اخواتها كانت تعبانه عملت دوش بميه ساقعه وغيرت هدومها
وابتدت تفكر حاتعمل ايه ؟
امها مرميه في المستشفى ومحتاجة فلوس وبعد اللي سمعتو  عن عمها وخالها عرفت ان مافيهمش رجا يساعدو بي اي حاجه
كانت علي السطح ونسمات الهوا بارده بطير شعرها طويل وهي في ملكوت ثاني لحد  ما سمعت صوت اخوها
**عبد الرحمن يا مليكه
**مليكه ايوه يا عبدو في ايه ؟؟
**عبد الرحمن اختك بتعيط جيعانه مافيش اكل 
**مليكه يارب اعمل ايه ؟
بص انزل لخالتك ام اشرف قولها لو في اكل عندها تديك
**عبد الرحمن ايه يا مليكه حانشحت من الناس اكل ؟!؟!
**مليكه اعمل ايه  مش معايا فلوس لو نزلت عند البقال مش حايديني حاجه
عشان خاطر اختك صغيره
الوقت دا ادهم كان واقف عند السلم و بيسمع
والحارس بتاعو كان مصدوم
**الحارس لا حول ولا قوه الا بالله
**ادهم انزل جيب ليهم اكل من اي مطعم
**الحارس حاضر يا ادهم باشا
عبد الرحمن وهو حاينزل شاف ادهم بي طلتو  البهيه بي بدله رسمي وريحه البرفان بتاعو اللي بدوخ اي حد 
**عبد الرحمن مين حضرتك؟
**ادهم مليكه موجوده ؟؟
مليكه شمت البرفان وراحت عندهم
واتصدمت وخافت لما شافتو
كانت لابسه عبايه بيتي لونها ابيض راسمه جسمها وحاطه شال علي كثافها وسايبه شعرها علي كثافها
كانت رقيقه وناعمه و بسيطه مختلفه عن البنات اللي ادهم متعود يشوفهم
**مليكه في حاجه حضرتك؟؟
**ادهم ممكن نتكلم ؟
**عبد الرحمن هو انت اللي سجنت اختي عايز مننا ايه ؟؟
**مليكه روح انت يا عبد الرحمن اعمل اللي قولتلك عليه
بص ليه كانو مش عايز يمشي بس في الاخر نزل
**مليكه اتفضل حضرتك
ادهم فضل يبص علي السطوح وكان قرفان اوي
**مليكه معلش المكان مش قد مقامك
**ادهم مش مشكله
**مليكه ممكن اعرف سبب الزياره في حاجه اتسرقت منك جاي تتهمني فيها؟!
**ادهم جاي اعرض عليكي عرض
**مليكه اللي هو !؟!
**ادهم عرفت ان امك تعبانه ومحتاجة عمليه جراحيه والمستشفي اللي فيها مش قد كده مكالمه
مني حالا حاتتنقل لي اكبر مستشفى خاص في الاسكندريه وعلي بكره تعمل العمليه
مليكه فضلت مبلمه فيه فرحت بس في نفس الوقت
قلبها اتقبض
**مليكه والمقابل؟؟
**ادهم ضحك برافو عليكي انك عارفه ان كل حاجه ليها مقابل
**مليكه اه طبعا 
**ادهم المقابل انك تسلمي ليا نفسك ليله وحده في شقتي من غير ما اشرح
**مليكه ايه؟!؟!
**مليكه مالك مصدومه بدل شغلك مع الزباين في الكابريهات اهو شغل خاص في شقه فخمه
**مليكه يا جدع انت هو انت تعبان ولا مجنون ولا ايه حكايتك ؟؟
**ادهم بلاش تغلطي عشان ماتندميش
**مليكه انا مش فاهمه انت طلعت ليا من اي داهيه عايز مني ايه؟؟
**ادهم عايز منك ايه دي بتاعتي مالكيش فيه تعرفي قولتي ايه ؟؟
الوقت دا طلعت سها تعيط
**يا مليكه انا جيعانه ماكلتش من امبارح
مليكه حست بي احراج
**مليكه خش جوا اخلص مع البيه واجي اعملك اكل
**سها انت بتكذبي عليا احنا معندناش حاجه
**مليكه يلا حبيبتي خشي جوا دفئ نفسك عبد الرحمان حايجيب ليكي اكل
طلع عبد الرحمن بي ايديه فاضيه وعمل براسو اشاره لا
**سهي شوفتي ماجبش حاجه
جا الحارس ومعاه اكل كثير ريحتو كانت تشهي كباب وكفثه وروز وسلطات
**سها وهي بتتنطط هيييي الاكل جا
حطو علي طرابيزه صغيره وعلي طول راحت سها تفتح عشان تاكل
**مليكه عيب يا سها مش بتاعنا
**ادهم خليها تاكل
روح انت العربيه
**الحارس اوامرك يا باشا  
**ادهم تعالي هنا خليهم ياكلو براحتهم
وبعدو علي ناحيه تانيه
**ادهم قولتي ايه؟
**مليكه والدموع بتلمع في عينيها ادهم ليه انت ليه شايفني وحده رخيصه كده ؟؟
**ادهم لا مش رخيصه دا انا حادفع مبلغ وقدرو
وهي خدمه بي مقابل
**مليكه معلش انا عمري ما حبيع نفسي ليك وانا مش عارفه ايه حكايه الكابريه اللي انت بتتكلم عليه لو سمحت كفايه اهانه لحد كده
**ادهم هي فين الاهانه انت محتاجه فلوس وانا عايز اساعدك بمقابل
**مليكه انا اسفه اللي انت بتطلبو مني مش حاقدر اوافق عليه
**ادهم بعصبيه هو انت شايفه نفسك كده ليه دا انت مش لاقيه تاكلي وامك مرميه في مستشفى كحيان ورافعه مناخيرك لي السما ولا انت اخدت علي العواجيز متخافيش حاتتبسطي معايا ومش حافهرطك خالص حاكون حنين معاكي ما انت خبره بردو
مليكه فتحت بؤها بصدمه من اللي بتسمعو منو
**مليكه انت قليل الادب ازاي تكلمني بي الطريقه دي ؟؟
**ادهم طلع الكارت بتاعو حطو في ايديها مستني مكالمه منك
ولو محصلش اللي في دماغي حاتشوفي ايام سوده علي قله ادبك معايا
وراح وسابها
نزل ادهم متعصب جدا
اللي في الحاره كلهم بي بصو للعربيه الابهه اللي واقفه لونها كحلي لامع اخر موديل
والكل بيسأل طلع عند مين في العماره
ثاني يوم بعد مليكه ماقضت ليله مايعلم بيها غير ربنا من الكوابيس والخوف من تهديد ادهم
راحت المستشفي
وعرفت إن امها دخلت غيبوبه
ولازم تدفع فلوس تحت الحساب
دا اللي ماكنتش عامله حسابو مليكه خالص
طلع فوق حساباتها

في شركه الشرقاوي

ادهم كان رايح جاي في المكتب متعصب
وهو مع نفسو مش فاهم ليه بيعمل كده معاها وليه هي بي الذات رغم انو هو مش شايفها حلوه
ليه اصرارو انو يعاقبها بي الطريقه دي عمرو مافرض نفسو علي وحده كده
اتصل بي شروق يتفق معاها
اما مليكه مش عارفه تتصرف ازاي رجعت الحاره والدموع في عينيها
قابلت عزه بنت جارتهم
**عزه مالك يابت امك كويسه ؟؟
**مليكه امي دخلت غيبوبه ولازم ادفع فلوس ومش معايا
وفضلت تعيط لحد ما حضنتها عزه خلاص يا بنتي قطعتي قلبي
بصي انا بليل عندي حفله
وحاخدك معايا وفلوسها حلوه
**مليكه انا مش بتاعت الحاجات دي
**عزه عيب عليكي هو انت شايفاني ايه قدامك يابت دي حفله ستات احنا حانروح نخدم عليهم
عزه بتشتغل في ستاف الافراح والمناسبات
**مليكه حانعمل ايه بي الضبط ؟؟
**عزه احنا بنخدك عليهم شاي قهوه عصاير
ونغسل المواعين وبعد ما الحفله تخلص بنضف المكان قولتي ايه؟؟
**مليكه والحفله دي فيها قله ادب او حاجه لا سمح الله  ؟
**عزه بصي احنا ملناش دعوه بيهم
بس بتاعت بليل دي بس ستات هاي كلاس بفكو عن نفسهم
**مليكه طيب خليني انا بس في المطبخ
**عزه ماشي بس يلا معايا عشان نقول لصاحبت الشغل وتديكي هدوم
راحو مكتب الحفلات
والست ادت فستان لي مليكه و 2000 جنيه بعد ما سمعتها محاضره عن الامانه والشرف وكتم الاسرار مهما شافت في الحفله
مليكه فرحت بي الفلوس راحت تجري المستشفي حطت الفلوس تحت الحساب
علي بليل
مليكه راحت مع عزه
وصلو شقه اللي صاحبت المكتب فتحت ليهم الباب
**مليكه مش قولتي إن الحفله في فيلا ؟؟
**عزه والله مش فاهمه بس شكل انهم غيرو رأيهم تعالي نجهز الشغل وبعدين نلبس
دخلو المطبخ جهزو الكبايات والحلويات والمشروبات
**عزه بصي يا حبيبتي الازايز دي ماتقربيش منها دي كحول ولا مأخده
**مليكه استغفر الله العظيم
**عزه زي ما قولتلك مالناش دعوه يلا نروح الحمام نغير طلعت شافت اللي شغالين بنظمو الطرابيزات وشقه باين عليها كبيره ومتكلفه والفرش مودرن
**عزه كفايه بحلقه يلا خلصينا
**مليكه هو انا وانت اللي حانفضل هنا مع الرجاله دي؟
**عزه لا هما حايخلصو شغلهم ويروحو وحايجيبو بنتين وحده تشتغل في البار بتاع الكحول والثانيه قهوه في نوع الحفلات دي مابكونش جنس راجل
لبسو الفساتين اللي كانت عباره عن فستان اسود كات  لحد الركبه مع كعب عالي عليه مريله في لون الابيض

****************************
تحيه خاصه لي ام احمد متابعه وفيه

ايه اللي حايحصل مع مليكه؟؟