بنات الرياض

بارت 6

ونكملل :)

طلعنا بالسياره وورحنا ستاربكس وجلست معها وقلت لها شوي واجي رحت شريت لها عبايه وحطيتها بهديه ورحت حطيتها بالسياره ورجعت 
هند : ها طلبتي
ام حمزه : لا باقي ناطرتك
هند : وش تبين تطلبين
ام حمزه : ابي ابو لاتيه ذا حسيته زاكي
هند وهي ميته ضحك : ههههههه ابو لاتيه
ام حمزه : ههههههههههههه
هند : تمام تبين سبانش لاتيه حار ولا بارد
ام حمزه : لا حار وانتي
هند : تو بومب ويات موكا ايس امريكانوا بدون مويا
ام حمزه : ذا درس ولا اسم قهوه هههه
هند ماتت : ههههههههههههههههههههههههههههه
العامل : تذبين على مشروبنا هههه
ام حمزه : خلاص اسفين
العامل : لا عادي ي خالتي المشروب والمحل كله لك
ام حمزه : الله يخليك ي ولدي
العامل : اللهم امين وانتي بعد حق بنتك وعيالك ي رب
ام حمزه : امين
هند : امين
وراح يجيب المشروب
هند : خاله
ام حمزه : هلا ي بنتي
هند : ما ابي اضايقك بس قالك حمزه متى يرجع
ام حمزه : والله ما ادري ي بنتي صار له 7 سنين ما كلمته ولا شفته يقول انه بينسحب جواله وما يقدر يتواصل الا بعد التدريب
هند : الله يعين اللي على الحد الجنوبي ويعطيهم القوه ي رب
ام حمزه : امين
هند : ممكن تقولين لي اسمه الكامل
ام حمزه : اي اسمه حمزه سعود احمد ال . . .
هند : تمام الله يحفظه
ام حمزه : اللهم اميين
هند : خالتي انتي ليش ما تتصلين علي
ام حمزه : اتطمن عليك من حمزه اقصد شهم ما ابي ازعجك ي بنتي
هند : لا ابيك تدقين علي دايم كذا ارتاح واتطمن عليك وتتطمنين علي
ام حمزه : خلاص يصير خير
وجاهم طلبهم وجلسوا يشربون ويسولفون
بعد ساعتين ساعات
ام حمزه ناظره الوقت : اووف طولنا
هند : تمام يلا نروح نتعشى ونرجع للبيت
ام حمزه : لا عشاك علي تمام
هند : تمام
( وصلوا البيت ونزلت ام حمزه وكانوا شاريين اغراض للعشى بس حلفت هند يكون عشى حواظر يعني ماهو كبسه وكذا )
هند شفتها نزلت ودقيت على شهم : الو
شهم : لا طال عمرك
هند : بلاها اسمع
شهم : امري
هند : ابيك تدور اسم واحد تقدر
شهم : انشاءالله ما اقصر
هند : ابيك تدور على واحد اسمه حمزه سعود احمد ال . . . .
شهم : حمزه سعود احمد ال . . . . تمام اي شي ثاني غير كذا معلومه
هند : بس قال انه بيروح للحد الجنوبي
شهم : تمام
( وقفلوا ودخلت بعدها مباشره )
هند رحت المطبخ : وش عندها خالتي تبي تطبخ ؟
ام حمزه : تعالي حطي مويا بالغلايه
هند رحت وصبيت مويا وشغلتها وجلست احط الاغراض اللي جبناهم معنا بالصنيه وخلصنا ورحن جلسنا وبدينا نسولف وناكل وشبعت وسويت عصير ليمون فرش وطولنا الا ويدق جوالي : الو هلا
شهم : انتي عند خالتي ام حمزه
هند : اي ليش
شهم : عندي خبر ماهو زين لجل كذا استأذني واطلعي
هند : تمام يلا جايه باي
. .
هند : خالتي الحين لازم اروح خالتي عندنا هي وبنتها وامي تبيني
ام حمزه : تمام ي بنتي الله معك
هند رحت السياره وجبت معي الهديه : ذي لك لانك هديتيني اجمل يوم بوجودك ما اقدر ابقى هنا لجل كذا جربيها وبدق عليك بعدين تمام .
ام حمزه ضمت هند : الله لا يحرمني منك والحين ي بنتي انتبهي للطريق ولروحك توصلين بالسلامه
هند بست يدها وراسها : الله يسلمك وانتي بعد يلا مع السلامه
( وطلعت وركبت السياره الا واشوف موقع انرسل لي من شهم ودقيت عليه وكنت مسرعه رايحه للبيت ) ههلاا وش صار لقيت شي عنه
شهم : شي ماهو زين
هند : بسم الله عسى ما صار له شي ترا بيتقطع قلبي تكفى
شهم : اسوء
هند : لا يكون مات
شهم: يليت
هند : شفييك تتمنى موت الرجال
شهم : ماراح لا حد جنوبي ولا شي طلع متزوج له سبع سنين وله ولد وبنت الولد عمره ٦ سنين والبنت عمرها ٤ سنين ويسكن بالرياض وبعثت لك موقع بيته
هند عطيتها بريك وبسرعه حولت طريقي ورحت طيران لدرجه السياره كانت بتطير
شهم : للا ي هند انطري خل اروح معك
هند : معليك يلا مع السلامه
وقفلت بوجهه ووصلت بعد ننص ساعه ووقفت ناظرت البيت كان البيت كبير ماهو ڤيله بس كبير ومبين فخم : يا ابن الـ . . . انت ساكن هنا متزوج وامك راميها فبيتها ذاك الله يلعـ . . ـنك يالـ . . . . .( ورحت طيران للبيت فتحت البوابه شفت سيارتين واحده شاص والثانيه هايلوكس 2022 ودخلت فتحت باب المجلس وكلي عصبيه لقيت ثنين واحد مبين عليه بال 28 والثاني بال 20 وفي ولد كان يلعب بالمجلس عندهم يوم دخلت كلهم صفنوا فيني وقريب للصراخ : وين حمزه
ووقف اللي بعمر ال 28 : انا
هند : يالمريض شلون تكذب على امك وتقول انك رايح الحد وهي لين الحين تزل باسمك وتتمنى شوفتك وكل يوم تدعي انك تكون بخير وسلامه وانت هنا ولا في بيت كنه ڨيلا وتاركها بروحها
حمزه : هي هيي هيي ويين حنا فيه قصري صوتك وثاني شي من انتي لجل تقولين لي ذا الكلام
هند : مالك شغل انت ما تخاف ربك رامي امك ورايح تركض تتزوج لو كنت مع امك كان ما قالت شي
حمزه : اول شي هي اول معارضه على الزواج ثاني شي ذيك ماهي امي امي ماتت
هند هنا انجنيت : مو منجدك تجحد امك يالمريض اللي ربتك ولين الحين تتمتم باسمك لا صدق مجنون اذ جحدت امك وش باقي الناس يثقون في واحد مريض مثلك
حمزه عصب وراح لي : انتي الزمي حدك انتي في بيتي لا تنسين
الا ويجي ذاك الولد يمسك حمزه : خلاص هدي يبن الحلال
حمزه : اتركني ي سعد خل الزمها حدها الزفته ذي
هند : تخسي انت عايش بسعاده وهي صارت تكبر بالعمر وتكبر وصارت تتعب واجد وما تقدر تمشي مسافه كبيره .
حمزه : خلاص شتبين كم تبين وتهتمين فيها
هند تعبت اعصابي خلاص : وش برود الدم اللي عندك عندك ام وراميها وفي ناس تتمنى النعمه اللي انت فيها ولا تخاف انا عندي اخلاق اهتم فيها بدون مقابل ليتك مت ولا شفتك كذا
حمزه : خلاص اسكتي واطلعي يللا اطلعي من بيتي ولا عاد تجينن
هند : عندك لين باكر يا تجيها ولا انا اجيبها
حمزه عطيتها كف بكل قوتي وكان الدم يثور فيني : اطلعععييي
هند : قدههاا ي الكلب
حمزه : قدها وازود
سعد رما حمزه وبعصبيه وصراخ : مو منجدك خلللاااصصص وانتي عطيني رقمك بتواصل معك تمام
هند ناظرت حمزه بحقد
حمزه : اقول فكك ذي النوعيات تطارد الفلوس معليك منها
هند : كل زق وتبن يالمروح ( وطلعت من عندهم ولحقني سعد )
سعد : انطرريي
هند لفيت : ومن انت بعد
سعد : انا سعد اخو حمزه من الاب جانا قبل 7 سنوات وقال لنا ان امه توفت وتوظف وتزوج وقال لنا بعد ما جا عندنا انها توفت قبل سنتين وما كنا ندري ان عمتي ماهي ميته ممكن توصليني لها
هند ودموعي اخذت مجراها : هو وش فيه كذا وش جاه ليش يترك خالتي كذا لو تدري لا سمح الله تجيها جلطه انا خايفه عليها
سعد : خذي رقمي ونتكلم باكر والحين انتي ارجعي بيتك تمام
هند : تمام
سعد بصوته الجوهري : معك السواق صح
هند : لا معي سيارتي ( ولفيت ورحت للسياره وركبت وطلعت ورجعت البيت وانا احس فيني صداع مو طبيعي )
سعد رجعت البيت وانا معصب : ليش ضربتها ترا تقدر تشتكيك
حمزه : قلت لك فكك من ذي الاشكال تدور الفلوس
سعد بعصبيه : لا كلامك غلط وكلامها صح معها سيارتها لكسز وشكلها غنيه وكل كلامه صادقه فيها وليش كذبت علينا بقصه عمتي مو منجدك
حمزه : مالك شغل
سعد : الا لي شغل ليش كذبت عليناا ليييشش ( وهدا شوي ) وش صار بينكم لجل تقول كذا عن امك
ولد فيصل : بابا عندنا جده يعني ما ماتت
فيصل عصب ازود : لا ما عندنا والحين اذلف داخل يالله بسسرعه
سعد : خخللااصص قلي شفيكم
فيصل بعصبيه : سسعد
سعد : وزق تكلم
فيصل : مالك شغل ماله داعي اني افسر لك ( وطلع وهو معصب )
سعد : بنشوف ي سعد ذي اخرتها اخخ لو عمي يدري بس بنشوف ي فيصل
. .
. .
هند رديت البيت وانا مافيني حيل ابد للأي شي وصكيت باب الغرفه على نفسي وجلست ابكي : معقول في احد بذي الاخلاق ليش يترك امه في ناس ما عندها ذي النعمه ااخ بسس يالقهر غغبني ( الا ويدق جوالي وكان شهم )
هند ومالي نفس بشي : الو ههلا
شهم : رحتي
هند : اي رحت وليتني ما رحت طلع مريض
شهم : مرض وشو
هند : عقليا ، ( تنهدت بقوه ) يقول ان امه توفت وما يبيها ابدا وانزعج حيل يوم قلت انها تبيه
شهم : عندي خطه
هند : وشهي
شهم : . . . .
بعد فتره من المناقشه
هند : تمام والحين اذلف بنام تعبانه
شهم : تمام ههههههه
وقفلوا من بعض .  .

< قبل كل ذا بيوم >

خالد رجعت البيت وانا احس نفسي متفشل حييل ورحت طيران لغرفه ريم ودخلت بدون ما ادق الباب : ريييم
ريم بصدمه وخوف : شفيه ي خالد
خالد بعصبيه عاليه : شلون تسوين كذا بهند قدام البنات مو لذي الدرجه ععاد
ريم تمثل بصدمه : وش سويتت
خالد : بلاهها ذي اول واخر مره الموره الجايه ياويلك توصليلها لاني بقول للوالد وانتي تعرفين زين وش بيسوي فهمتي لان ذا اسمه شرف
ريم وكانت بتنهار : . . .

وبس والله وش رايكم فيها مع ان مافي تفاعل ابد على القصه بس معليه رح اكمل ❤️❤️ .