~ ذي اول مره اكتب روايه واتمنى دعمكم ~
تتكلم عن بنت اسمها هند عندها غرور وكبرياء ولا شي يهزها وصديقتها او البست فرند سارا :) وشلون تتحول حياتها لفرح وحزن
ليت الليالي كلها شوفك ولقياك . .
سالم : انت تعرف ام حمزه صح فهد : من ذي سالم : اللي بالمشفى فهد : اي اي اعرفها هي امه ؟ سالم : اي امه وهند تعرفها من زمان وهو كذب عليها وقال لها يبي يروح الحد الجنوبي وغاب عنها 7 سنوات مدري 6 سنوات وطلع متزوج وعنده ولد وبنت وهي متشفقه لشوفته ف هند راحت له وقالت له ان امه مشتاقه له وكذا ف هو ضربها كف قطع كلامه فهد يوم ظرب يده على الطاوله : وبأي حق يظرب بنتي اللي انا ما ظربتها ، وهي شلون تروح له بروحها سالم : وانا انفعلت يوم قالت كذا وظربته وطردته فهد : وانا كنت ناوي ارجعه النذل ذا ابن الكلب شلون يسوي كذا ابي اشتكيه وارميه بالسجن ابن اللذينَ سالم : لا خله مع امه معها مرض بالقلب وتخاف تجيها بأي لحظه جلطه وتموت لاسمح الله اخذ جزاه ظربته وطردته فهد : بس لي كلام معه والحين تفضلوا ( وطلعوا )
. . .
هند : بناتت ما عجبني شي ابد سارا : حتى انا سهام : رجولي بدت تعورني سارا : اي صح في محل باخر المجمع الكل يمدحه هند : اجل بنروح له هو اخر محل اذ ما لقيت نشوف باكر او نوصي تمام البنات : تمام هند رحنا المحل ودخلناه جلسنا نفرفر شويتين وما عجبنا شي وقالت صاحبة المحل ان في فساتين احلى من المعروضات باقي ما عرضتهم لانهم تزهم وصلوا وفتحت الباب لنا ودخلنا صدق فستان احلى من الثاني واخيرا عجبني فستان وقسته وكان شوي وسيع من الخصر وهي قالت انها بتضبطه لي وطلعنا شريت كعب ورجعنا البيت بعد مشوار طويييل قلت للبنات انهم يجون عندي بس قالوا تعبانات بيروحوا البيت طبعًا وحنا نلفلف وندور لي فستان شرت سهام وسارا لهم فستان واكسسوارات وكعب وزينه للشعر مافيني حيل اوصف الفسلتين بس انهم ع الجسم سهام
. . .
رجعت البيت ونمت نومة اهل الكهف من التعب كل جسمي يعورني وصحيت بعد المغرب على صوت امي : هلا يمه شفيك ورد : اللهم صبرك يا روح خلاص قومي هند : يمه تكفين بس شوي ورد : ابوك باين انه معصب ويبيك هند جلست من الخرشه : ها ؟ ورد : من قال ها سمع وش مسويه انتي ؟ هند : والله ما سويت شي ورد : ينطرك بغرفة المكتب هند : بسم الله اعوذ بالله يارب مافي شي غسلت وجهي وبدلت ملابسي لبجامه محتشمه ونزلت لأبوي دقيت الباب ودخلت بعد ما سمح لي اني ادخل . فهد بعصبيه يحاول يكتمها : اجلسي ( واشر بيده للكرسي اللي قدام الطاوله ) هند جلست وانا دوبك ابلع ريقي : هلا يبه فهد بصراخ : وصمه وش سويتي انتي ؟ هند بديت ارتجف : وش سويت ؟ فهد : شلون تروحين على بيت حمزه بروحك ها ؟ وليش ما قلتي لي انه ضربك وين شهم عنك مو انا معينه عليك انه يحميك وش يسوي ولا ياخذ راتب ع القاعد هند : انا اسفه كانت لحظه عصبيه وشهم لحقني بسرعه وتأخر بسبب الأزمه فهد : طيب افرضي شهم ما وصل وش كان صارلك هند : يبه الولد متزوج واخوه عنده طلع مكذب عليهم فهد : طيب ابي افهم ليش ماقلتي لي انا وشو عندك مفكرتني جدار يعيني ؟ هند : محشوم يبه فهد : والحين اطلعي واليوم وباكر كامل مالك طلعه وهاتي جوالك يلا وفكري باللي سويتيه هند بدت دموعي تطيح على خدي ذي اول مره ابوي يصرخ فيها علي قمت وبعصبيه : اعلمك ليش ما قلت لك لاني مو متعوده مو متعوده تكون جنبي تعرف وين اروح ووين اجي وش اسوي مع من اكلت ولا لا حتى يمر يومين وما تتصل تتطمن علي لجل كذا ما قلت لك مو متعوده ، يوم جيتوا انتوا هنا حسيت بفرحه مو طبيعيه بس يبيلي اتعود عليكم كم سنه صارلكم بعيدين عني وزياراتكم كلها بالاشهر وتروحون ع الاقل اخذتوني معكم عشت معكم عشت بدبي احيانًا افكر واقول معقول الشغل اهم مني مافي احد يسوي كذا واذ سوو ياخذون عيالهم معهم طيب ليش ما اخذتوني فهد باقي ساكت وباين عليه الحزن هند من بين بكاها وشهقاتها : مافي رد كالعاده وطلعت ع غرفتي وقفلت ع نفسي وبديت ابكي اطلع حرقة السنين صح اني اضحك واستانس بس في جانب من جوانبي يقول ابيهم مشتاقه لهم ابيهم بكل قوه بس مافي فايده بقيت ع ذي الحال اكثر من ساعتين وبعدها سمعت دقات باب وصوت ابوي وهو يقول فهد : عادي ادخل هند جلست وناظرت الجدار : ادخل دخل وجلس ع الكرسي : هند هند : . . . فهد قام وجلس جنبها وهي باقي ما تناظر له : هند حبيبتي هند : . . . فهد بصوت مهزوز ومنكسر : انتي صادقه يوم تقولين ان مافي رد بس كان لازم واحد مننا يلاخوان يروح دبي وكان كل اخواني منشغلين وقالوا فهد وش رايك انت تروح خجلت اني اردهم وهذا مايعني اني ما احبك وتركتك انا احبك وعشت اسوء ايام ان بنتي تكبر بعيد عني وانا رحت دبي للشغل ومنها علاج لأمك هند لفيت له : شفيها امي فهد كمل كلامه ودموعه اعلنت النزول : ما سألتي نفسك ليش ما عندك اخوان اصغر منك ؟ هند سكت شوي ناظرت له : لا ليش ؟ فهد : حتا حنا ما ندري ولا اي احد إلا الله سبحانه وتعالى لجل كذا وكل محاولاتنا فشلت ويأسنا لجل كذا ما خذيناك لجل ما تعرفين عن موضوع امك ولجل ما تكونين معنى بس اسم انا بالشغل مع امك وانتي تتربين على يد شغاله هنا راح تلوميننا اكثر اما هنا بين خالتك وعمانك راح تكونين اكثر سعاده وانا اسف ع كل شي مريتي فيه واتمنى اني اعوضك باللي اقدر عليه هند بديت ابكي ومسحت دموعي ابوي : يبه اسفه وربي مو قصدي انا ما كنت ادري باللي تعيشونه وبالعكس فرحت اني جلست هنا وكونت ذكريات حلوه ومره بس معضمها حلوه كانت طفولتي مره حلوه وانا كنت الومكم وما ادري وش همكم انا اسفه ( وحضنت ابوي وهو بدا يمسح على شعري هنا حسيت اني زودتها مع ابوي حسيت اني غبيه للحظه على كلامي اللي قلته له بدون ما اراعي مشاعره واصلا خطأ اني ارفع صوتي على ابوي بعدها ابوي جاه اتصال مسح دموعه وطلع من الغرفه وانا رميت نفسي على السرير ندمانه على اللي سويته غمضت عيوني استقبل النوم صحيت على صوت امي وانا احس راسي مضروب بالجدار من قو الألم : هلا يمه ورد : يلا بنطلع خارج بالحديقه ضبطت جلسه ومنها طلبت لك قهوتك وعصائر وموهيتو ومنها حلويات يلا قومي بسرعه هند بتعب : من جاي عندنا ؟ ورد : ولازم يجي احد لجل اسوي كذا هند : تمام بغسل واجي ورد قامت وطلعت من من الغرفه وقبل تسكر الباب : مو تتأخرين ؟ هند ابتسمت : تمام ( طلعت لنفسي ملابس ودخلت اتروش وطلعت بدلت ملابسي وشفت جوالي ان جايني إشعار فتحت وكان من رقم جلست السرير يد فيها الجوال ويد امسح شعري من المويا وكان مكتوب . . . . : مرحبا هند - اخبارك طمنيني عنك - انا سالم وذا رقمي هند بدا قلبي يدق بقوه وتوترت مدري ليش ما كان يصير معي كذا معقول الحب يسوي كذا مسكت قلبي حسيته بيطلع ورديت - تمام انت اخبارك وسيفت اسمه سالم بعد الخطبه اغير اسمه ههههه و رميت الجوال و ابتسمت حسيت نفسيتي تغيرت شكلي كل ما ازعل بروح اكلمه هههههههه انخرشت على دقة الجوال ناظرت وكان سالم توترت ماعرفت وش اسوي اول مره يسير فيني كذا ورديت : الو سالم : اهلين لا اكون ازعجتك هههه هند : لا شدعوه سالم : دقيقه انتي هند مستحيلل هههههه هند انحرجت مره : ليش سالم : مستحيه هههه ابي اشوف وجهك تكفين ههههههه هند ناظرت نفسي بالمنظره ولقيت وجهي احمررر : سساللمم خلاص سالم : خلاص بسكت ههههههه اخبارك هند علومك هند : تمام الحمدلله انت اخبارك سالم : بخير ي جعلك دوم هند : الا اقول من وين جبت رقمي ؟ سالم : ماراح تصدقين لو قلت لك هند : تكفى قول سالم : ممم من هند : يلا عاد لا تنرفزني بحركات المبزره سالم : من امك هند : وشوو ههههههههههههه سالم : قلت لك ماراح تصدقين هههههههه هند : دقيقه امي نسيتها تنطرني خارج سالم : اي اي صرفيني هذا وذي اول مكالمه لنا هند : اعتبرها اللي تبي هههه يلا تامر على شي سالم : ابد سلامتك وانتي تامرين على شي هند : ابد سلامتك يلا سييو سالم : الله معك يقلبي هند قفلت وحطيت يدي على خدي والثانيه على قلبي : يوو شعور حلو لازم تزوجت من قبل هههههههه بس ليش حسيت نفسي غبيه يوم تكلمت معه اههخخ بسسس ( ونزلت طيران جلست مع امي )
. . .
نجي على يوم الخطبه
كانت لابسه هند كذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وسارا كذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وسهام كذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ومافيني حيل اكمل الباقي
...
هند : اهخ متوتره حدي بنااات بصارخ سارا : ماتوقعت انك بيوم راح تخطبين ههههههه هند : وليش انشاءالله سهام : معليك منها المهم مره طالعه قمر تهبلين بيدوخ سالم من يشوفك ههههههه هند : وجع لا تخليني اتوتر
