~ ونكمل ~
هند : سارا احس بأحساس غريب
سارا وهي تلعب بالعشب : وشهو
هند بعد صمت : ولا شي انسي تعالي نروح نسلم على اللي بالداخل
اللي بالداخل هن ام سعود وام مجيد وام فيصل وام نايف وام صدام وام سالم وام راكان وام سلمان وام صدام و ام فارس( وبس اذ نسيت احد انتم عدوه )
ودخلت وسلمت على الكل وراحت على البنات < البنات هن سهام بنت ابو راكان ريم بنت ابو صالح امل و ايه بنات ابو فارس ولمى بنت ابو سلمان وسارا تعرفونها وهند ماله داعي نعرفها وجود بنت ابو سعود وهمس بنت ابو صدام كلهم اعمارهم مقاربه من بعض . .
~ ونبدا ~
سارا : احس لو نروح عند الحريم ازين
جود : وانتي الصادقه بس شفتي العدد وصوتهم واصل لاخر الدنيا
لميس : هههههههه وانتي الصادقه
هند : اجل وش رايكم نروح نسوي جلسه خارجيه احسن
سارا : تمم
وطلعوا البنات ~
راكان : اقول ي سعود متى عرسك نبي نفرح ياخي
سعود : اخر شهر سبعه وحنا الحين باخر سته يعني بعد شهر تقريبا
خالد : حركات يعني اخيرا في واحد بيتزوج
سالم : هههههه وانت الصادق مافي إلا فارس متزوج وعنده عزوز وبس
علي : سمعت ان في واحد يبي يخطب
الكل التفت على علي : من ( بعدها الكل ضحك )
مؤيد : شكله انت على من ناوي
سلمان : تبون العلم
الكل : اي
سلمان : انا ابي اخطب عن قريب
الكل فرح واللي يسوي نفسه يزغرط واللي يصفت واللي يسوي حركات
نايف : ليش ما قلت لنا عاد
سلمان : خربها علي حبيت تكون مفاجئة
سعود : امما بدينا بالخش والدس هها
سلمان : ههههههه افا انا
نرجع عند البنات ~
لمى : وش رايكم ي بنات نسبح باكر لان الجو اليوم ما يساعد
الكل وافق
سارا : وانتي صادقه انسب شي باكر لان بعدها بيجي منخفض قوي وعدم استقرار وامطار
هند : الله يجيب الخير
الكل : اميين
ايه : صراحه ي بنات انا متشوقه للمطر
ريم : من ما يحب المطر
هند : احس وناسه من الخبر
جود : اجل اتفقنا والحين وش رايكم دامنا بالساحه الخلفيه نلعب لعبه
هند : اييي بس وشهي
جود : دام هنا شجر واجد ماشاءالله نلعب غميضه
الكل وافق وعدوا واللي تدور البنات هي لميس
سارا : هند عنديلك مخزان حلو تعالي
هند : تمام
< وبدوا يركضون واللي بين العشب واللي فوق الشجره واللي مخبيه نفسها بجذع الشجره الا سارا وهند راحوا وتعمقول بالاشجار >
هند بخوف : شكلنا ابعدنا
سارا : ليش خايفه
هند : لاا وين امشي بسس
سارا : معليك حافظه كل دقه بالمكان عشت هنا عمر شفيك
هند : شكلنا رايحين للأسطبل صح
سارا : اي بس بنجلس قبله بشوي
هند : تمام
« وجلسوا بمكان قريب للاسطبل حييل »
سارا : راح تمسكنا اخر شي هههههههه
. . . . : من بيمسكوا
سارا + هند : يممااااا
. . . . : بسم الله علييك اسف خرشتكم
سارا : ماجد شفيك خرشتنا
هند : من وين جيت ومن انت اصلا
ماجد : هههههه شفيك منفعله انا احرس الاسطبل
سارا : يب وهو صادق
هند : اما اعذرني
ماجد : عوافي وش تسوون هنا تراكم في خطر
هند : من وش مثلا
ماجد : هنا في افاعي لان رطوبه وظلال
هند تكشعر كل جسمي
سارا : اجل عن اذنك بنروح
ماجد : الله معكم وانتبهوا لنفسكم
هند : تمام يلا باي
ماجد : بايات
. . .
هند : سارا خلينا نطلع لاني خايفه حيل ( ما كملت كلمتها الا وتصارخ سارا )
أنت تقرأ
بنات الرياض
De Todo~ ذي اول مره اكتب روايه واتمنى دعمكم ~ تتكلم عن بنت اسمها هند عندها غرور وكبرياء ولا شي يهزها وصديقتها او البست فرند سارا :) وشلون تتحول حياتها لفرح وحزن ليت الليالي كلها شوفك ولقياك . .
