هند انسدحت على فرشتي الارضيه بعد ما نامت وجلست اقلب بجوالي ماني عارفه وش اسوي وقفلت الجوال ومسكت عبايتي وطلعت جلست اتمشى بالمشفى والتفت يمين يسار حسيته كأنه ماهو لليل الممرضات يمشون ويروحون ويجون ودكاتره ودكتورات مع عمال نظافه لفيت ورجعت لاني ما حبيت الوضع وجلست جنب خالتي ومسكت يدها وجلست التفت على جهاز النبض حقها الا وجوالي يدق ورديت بسرعه عن صوته : الو هلا سلوم
سالم : هلابك ، ولا تناديني سلوم احس يع مره
هند : هههههههه معليه ي رجال
سالم : قال لي شهم عن ام حمزه شحالها الحين
هند : وضعها مستقر بس الدكتور يقول ان حالتها كل مالها تصعب وذا الشي طبيعي لانها تكبر بالعمر
سالم : اي الله يعطيها الصحه والعافيه
هند : امين
سالم : اجل بزوركم باكر
هند : حياك اصلا خالتي بتستانس اذا جيت لانها حبتك هههه
سالم ابتسم : اجل ما بطول عليك ونامي وتلحفي لان المشفى برررررد اكثر من الخارج
هند : معليك ، يلا باي
سالم ( قفل الخط )
شهم : اقول ي سالم
سالم : هلا
شهم : ابي اسالك سؤال انا خطبت بنت ورفظتني وانا لين الحين احبها وش اسوي
سالم : رح اخطبها مره ثانيه لا تستسلم يوم تشوف اصرارك حينها يمكن تصدق انك تحبها
شهم : وانت لم : متى اروح
سالم : متى اخر مره طلبتها
شهم : قبل اسبوعين
سالم : اجل بنروح بعد باكر انا وانت وابوك عمانك ونطلبها
شهم : مشكور ي سالم
سالم : لا تشكرني انا اللي لازم اشكرك على قد ما وقفت معي
شهم : وانت منت بناوي تخطب
سالم : الحين لا اما لبعدين افكر
شهم : في بالك وحده
سالم : تقريبا اي
شهم : اجل ع خير
سالم : احس راسي مصدع
شهم : من وش
سالم : مدري صاير يجيني ارق مو طبيعي مقدر انام الا اذ شربت حبتين يارفين
شهم : ترا مو زين
سالم : جربت كل الطرق حتى صرت ادخل النادي ع 9 اطلع منه ع 12 لجل انام بس بدون فايده يكون جسمي تعبان ويبيله نوم وعقلي ماهو نايم يلعن ام الحاله
شهم : جربت تروح لدكتور
سالم : اي
شهم : وش قال
سالم : قال كثره التفكير بس انا مافي موضوع افكر فيه حاليا صدق
شهم : جربت تفكر بطريقه ثانيه
سالم : اي رحت اليوم عند شيخ وقال لي انت جربت كل الطرق بس ما فكرت اخر الليل تجي تحط سجادتك وتصلي كم ركعه وتقرا قران وتنام وانت تستغفر قلت له الا جربتها وحسيت نفسي ارتحت بس ما نمت بسرعه قال لي داوم على كذا وراح تنام قلت له خلاص تمام
شهم : اجل واضب على كذا ، بس ليش تدور حل الارق ذا
سالم : لاني بسافر
شهم : على وين
سالم : امريكا
شهم : ليش
سالم : شغل واسوي كم شي وارجع
شهم : نصيحه مني خذها لك بعد الشغل عطله وستانس وخذ كم واحد من اخويانك بعدين ارجعوا
سالم : كنت مخطط على كذا هههههه
شهم : هههههههه اجل بالتوفيق
هند صحيت على صوت الدكاتره فتحت عيوني زين
الدكتوره : لو سمحتييي ممكن تطلعي لان حاله المريضه خطره ( مسكت الدكتوره ) : ليش وش صار ي دكتوره
الدكتوره : يمكن تفقد حياتها ممكن تطلعي لجل نكمل شغلنا براحه
هند ورجولي ما عادت تشيلني وطلعوني ثنتين وانا ادعي وادعي الا ويطلع الدكتور بعد ما خف صوتهم : وش صار ي دكتور
الدكتور : عظم اجركم
هند وانهرت وجلست ابكي واصيح وانوح كل المشفى تجمع على صوتي وركضت داخل شفتها وحاطين عليها الشرشف الابيض وكشفت عن وجهها وجلست ابكي بحرقه : انتم كذابييين ما ماتت للاا انتم تكذبون
<الا وحسيت يد تهزني )
الدكتوره : حبيبتي انتي بخير
هند قمت مفزوعه ووجهي ابيض من الخرعه : خالتي وينها
الدكتوره بابتسامه خفيفه : بخير ونايمه بعد تحلمتي صح
هند ويديني ترجف باقي : اي حلمت حلم ماهو بزين
الدكتوره قامت عطتني مويا : امسكي ي قلبي ما صار شي
هند اخذتها منها وسميت وبديت اشرب وانسدحت وحسيت جسمي كله مرتخي من الصدمه مو قادره احرك اظفر من جسمي ( وطلعت الدكتوره بعد ما شيكت على خالتي )
أنت تقرأ
بنات الرياض
Acak~ ذي اول مره اكتب روايه واتمنى دعمكم ~ تتكلم عن بنت اسمها هند عندها غرور وكبرياء ولا شي يهزها وصديقتها او البست فرند سارا :) وشلون تتحول حياتها لفرح وحزن ليت الليالي كلها شوفك ولقياك . .
