#قسوة_عاشق
الكاتـبة حفيدة ال؏ـبدالله
♕♕♕♕♕♕
حسابي الانستا @1a__84
♕♕♕♕♕♕
حبايبي لا تنسون التصويت بنجمة + تعليق بين الفقرات شكد متگدرون + متابعة للحساب
~ قراءة ممتعة ~
📜🤎
عمر : ثاني صار نزولي ورحت بسرعه للبيت… اول مادخلت للبيت تلكوني جهال اخوي بوستهم…
وشلت احمد الصغير ومحمد لابس جنطتي و لازمة
دخلنه للبيت… اشاقيهم لاكتني زهراء سلمت عليه
وشالت ابنها حاجيته : اكلج خويه امي وين .احجي وياها واني انزع بالبصطال…
زهراء : عمتي بغرفته هيه ونازك وامة
هيه حجت هيج واني سويت الدرب لغرفه امي شبخة ونص… بدون اي تردد بسرعه فتحت الباب دخلت
لكيت امي كاعده وياها مرت عمي .نازك تمرغ رجلين امي… بسرعه سلمت و كتله من رخصتج عمة يمة تعالي احاجيج
ترخصت وطلعت…
ام خالد : ها يمة
- شكو يمة شعدهن ذني يمج
-جن الاخبار وصلتك
- يمة جاي من درب بعيد وتعبان… ذني شعدهن
احجي وافرك بوجهي من العصبيه .
-ماعدهن شي… مسيرات شنو اول مره ادحكهن عدنه
- لا مو اول مره… بس هلمره انتي عندج غير نيه
- يمة غير ادور راحتك ومصلحتك
- يمة تحجين صدك… من كل عقلج راحتي ويه نازك
- اي اني ادحك راحتك وياها… شبيه البنيه شناقصه
ليش ماتريدها
- يمة ما اهواها شنو هيه كوه… واذا فتحتي هذا الموضوع ويه عمتي… اله اروح واخليكم تحلفون بطاريي .
حجيت هيج وعفتها ورحت صعدت لغرفتي… احس كلشي ضدي حته امي تريد اجيبلي وحده اكره حته شوفتها
نمت وماكعدت اله عله صلاة المغرب… دحكت ابوي موجود هوا واخوتي ومخبوصين باجر عدهم عزيمة
دخلت عليهم
- ها الله يساعدكم
- هلا بوية… الحمدلله ع سلامه
- الله يسلمك شيخنة ... سلمت علي ورحت بوست راسة
خير سمعت عزيمة
- اي باجر عازم اعمامك… ولزوم تحضر انتة واخوانك
- ان شالله شيخ
كعدت وياهم شويه و بقينه ندحك اخبار… والبيت مخبوص يحضرن للغده باجر
بعدها طشو كلمن راح لغرفته… رحت بقيت ادحك بالموبايل… ولتهيت من مراسله اصدقائي لليوتيوب و
هيج… مانمت لحد ساعه ٦ الصبح… ولمار ماتفارك بالي ابد كل شويه وذكرها… لو اذكر كلمة منها لو موقف يخصنه مرات اضحك ومرات اضوج
……………لمار………………
ثاني يوم الصبح كعدنه كلنه مالنه خلك… و بكلوبنه خوف من جاسم… لان هوا من راح جان يهدد .
أنت تقرأ
قسوة عاشق
Romance#قسوة_عاشق الصبر والتضحية من اجل السعادة ولكن للقدر راي اخر بدأت الخميس ١٢-١-٢٠٢٣ نتهت الثلاثاء ١١-٧-٢٠٢٣ دخول القصة ١٠٠ الف الاثنين ١٨-١٢-٢٠٢٣
