قسوة عاشق

بارت ٤١

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب           ~ قراءة ممتعة ~
       📜🤎

لج عمر كاتل رائد وهسه الشرطة ماخذتة

سمعت هيج حسيت گلبي وكف من خوفي عله
عمر نسيت كل اذيته نسيت كلشي سوا بيه و بقه كلبي يمة

لمار : منو كالكم هيج
خولة : هسه اجة عمي جابر مخابرين علي وكال الولد نقلو للمستشفة و عمر الشرطة ماخذتة

لمار : خولة فتحيلي الباب
خولة : ماعندي المفتاح ويه عمر

لمار : لج شيصبرني اني شلون ابقه هنا وماعرف اخبار عمر
خولة : اي شي يصير اني اجيج واكولج… بس كوليلي انتي زينه

لمار : مابيه شي اني لا يضل بالج .

راحت خولة واني بقيت ابجي وما اعرف ادعي لعمر لو ادعي علي للعصر حسيت طاقتي بدت تخلص
وجسمي مشتعله بي النار هذا غير الم الضربات من الحراره احس جسمي مثل الي مجوه

ندكت الباب عرفت هاي خولة اجتني
خولة : لمار
لمار : ها خولة بشري شصار

خولة : لج تاخرت عليج لان جنت مخبوصة بالبيت والله… هاي جبتلج اكل و ماي بس شلون ادخلة الج

لمار : تركج من الاكل كولي شصار
خولة : الولد طلع عدل بس حالته حيل خطرة و هسه بالعناية… راحو اعمامي لهل رائد يريدون يفهمون السالفة ليش عمر هيج مسوي طلع محاجي شي الهم
ومحد يدري بسالفة

لمار : وعمر هسه صار ويا
خولة : بعده بالسجن لباجر اذا دبرو سالفه الكفيل يطلع بكفاله و اهل رائد هم كايلين مانكدر نحكم عله عمر لحد مانفهم عله شنو هيج سوه 

لمار : يعني بيها مجال عمر يطلع باجر
خولة : ان شالله… وبعدين حيري بروحج تفكرين بعمر… هسه شلون ادخلج الاكل والماي

لمار : والله ماعرف حته المفرغة صغيره مايفوت منها شي .
خولة : عجل شلون تموتين من الجوع والحر شكول عليك عمر

راحت خولة واني حسيت روحي جاي تطلع من الحراره والريحة البانزين والدهن وكلشي كوه جنت متحملة وكاعده .

بليل بين النايمة وكاعده سمعت صوت المفتاح المكان الكاعده بي اضلم وخنكة نفتح الباب ودخل ضوه من بره اباوع واني مقلصه عيوني