قسوة عاشق

بارت ٤٨

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

‏فقط أخبرني أنك تُحبني
‏وسأهضُم كل تلك الخيبات دُفعةً واحدة
‏لن أنظر للخلف أو للأمام
‏لن أنظر سوى لعينيكَ
‏عينيكَ التي أرهقتها الأيامُ كما فعلت معي
‏لن أنظر إلا إليك
‏لن آبه بشيءٍ مادُمت عندي
‏يكفي أن تُحبني

لااااا خولة لااا شنو هذا كلامج تحجين صدك… عله صوتي اجت عمتي مفزوعة وتركض تريد تفهم شبيه
ماجنت اكدر احجي اي شي بس صياح يطلع مني

من غير وعي و كعت بالكاع اخذتني عمتي لحضنه و سحبت الموبايل مني حته تفهم شصار و ويه منو جاي احجي .
ساره : منو

خولة : هاي اني عمي
سارة : شبيج عمة شكو ؟؟
خولة : عمة عمر سوه حادث وهسه حالتة كلش خطره .

لمار : لج عمههههه درب الناصرية شكد بعد ياخذ مني
ماخله عندي اهل يتمني و اخذ كلشي وهسه عمر
اموت والله اموووووت .

سدت عمتي الاتصال من خولة لان جانت هوسة يمها و اني هم نهاريت اجت يمي حته تهديني بس بدون فايدة .

تركتني وراحت لبيت ابو احمد اجة و ويا البنات وعمتي… طبن للبيت واني بعدني ع نفس وضعي اجت زينب هيه و براء كومني للصاله .

دخل ابو احمد وبيده موبايله وبقه يتصل  مرتين بدون رد بعدها جاوبو بقه يحجي وياهم عرفته جان يحجي ويه خالد من كمل اتصاله كمت ليمة وكتلة

لمار : وكفت كدامة وعيوني مليانة دموع و بس اشهك
كتلة : عمو الله عليك عمر بي شي ؟؟
ابو احمد : مادري عمو بس خالد كال الحادث قوي

وهسه ناقلي لمستشفئ الرمادي .
بقيت امشي خطوات بعيده عنهم واني اذكر تصرفات
عمر جانت مليانه حنيه و جان كلش متغير مو مثل
قبل .

بقة تتردد بالي اخر كلماتة من كال ان شالله بعد ما شوفيني… كعدت بالكاع وضليت اضرب ع وجهي واصيح بس اني ماكدر بدون ما اشوفك عمرررر .

عمر لو تاخذني وياك لو ترجع ماكدر ع فراكك ماكدر
اجت عمتي تهدي بيه وحاجاها ابو احمد كالها جهزو روحكم حته اخذج انتي ولمار للرمادي .

كمت بسرعه بدلت وبقيت منتضره ابو احمد اجة وكف باب البيت اول ماسمعت صوت السياره طلعت
صعدت و اجت وراي عمتي بيدها جنطه صغيرة بيها ملابس النه .

تتحرك السياره واني بودي اطير و اوصل للرمادي صح كل مره الطريق طويل بس جنت اخصله بنوم لحد منوصل هلمره ماكدر كلشي اسوي وبس الافكار