قسوة عاشق

البارت الاخير

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

خلصت هاي اليلة ب ضحكات و شقة و حلم عمرنة تحقق جنه طايرين سوه ممصدكين نفسنه اذكر ما فاركتني الضحكة لحد ما نمت .

كعدني عمر وهوه يسويلي حركات بوجهي فتحت تك عين اباوع علي وهوه يضحك
عمر : صباح الخير حبيبتي

لمار : صباح النور … ندك عليه باسني من خدي وحضني 
عمر : يلا يروحي كومي هسه راح يجون اهلنة ويجيبون الغدة

لمار : ليش بيش الساعه
عمر : هسه بالوحده لحد منسبح و نجهز همة يجون
لمار : اوووف والله مابيه حيل اكوم و بعدني نعسانة

عمر : ها بدينه بدلال يلا اني اشيلج للحمام ولا يهمج دنك شالني خليت ايديه تحاوط رگبته و راسي بصدره
باوعلي وعض عله شفته وكال : يول كوه لازم روحي
لا تعيلين بية .

ضحكت و ضميت راسي بصدره… طببني للحمام و ندار يريد يسد الباب كتله : ليش اسد الباب غير تطلع
عمر : ليش اطلع ؟؟

لمار : غير اريد اسبح شنو ليش .
عمر : اي يولي واني هم اريد اسبح  نسبح سوة شكو بيها

لمار : لا عمر عفيه اطلع ما عرف
عمر : ليش يولي
لمار : استحي ما اكدر … طلع واني بقيت اسبح

كملت وطلعت لكيته هوه فاتح موبايله و يگلب بي رحت للكنتور طلعت ملابس اله وخليتهم بالحمام
وكتله : يلا اسبح خليتلك ملابس .

كام هوه للحمام و اني بقيت اشسور بشعري كملته طلعت قفطان ابيض لبسة و كعدت كبال المرايه و بديت اتمكيج .

طلع عمر ينشف بشعره بالخالولي اول ماشافني اجة حضني من ضهري و خلة راسة برگبتي و باسها
عمر : احبج
لمار : اني هم احبك

حضني حيل وكام يخابر ويه امة كالتله : شويه وجايين
بين ما هوه يسولف اني كملت مكياجي وضبطت كلشي .

باوعلي عمر كال : ليش ما لابسه ذهبج ؟
لمار : ماحب الذهب
كام فتح الكنتور و طلع تخم و ويا حلقة لبسني الحلقة وكال : ما ريد بيوم ادحك ايدج خاليه منها

هزيت راسي اله بمعنئ اي… و رجع ندار من وراي وهوه يلبسني الكلاده و بعدها التراجي .
لبس هوه دشداشة و الغتره لون جوزي بس لفها عله راسة .

سمعنه صوت جوه كال : اكيد اهلي اجوي خلي ننزل
كتله : جايه بس اخلي عطر رشيت عطر و عدلت حمرتي و جيت ورا