قسوة عاشق

البارت ٣٢

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

اول ما ندرت جان اصير نازك بوجهي… باوعت عليها جانت كلش ضايجة بقت تنفخ و راحت

عشتو هاي شبيها ضايجة… رحت جددت الجاي و اخذتة رحت للبنات

خولة : هاي وين رحتي يمعوده
لمار : غير اسوي جاي

زهراء : متاكدة بس جاي… تحجي وتضحك
لمار : اي بس جاي شكو يعني

خولة : معقولة مادحكتي واحد منا منا
بسرعة باوعت عليها كلت خاف نازك شايفة شي وحجت الهن كتلة : اشوف منو

زهراء : هههههههه اكو غير عمر
خولة : طلع اخوي من هين دحكي وجهج شصاير بي

خليت ايدي علة وجهي : ليش شبي وجهي
زهراء : فاضحج دحكي اثر ل احم احم

فتحت كامره الموبايل وشفت وجهي متحسس وصاير بي اثر من لحية عمر… ستحيت حيل بقيت اضحك وياهن

طلع عمر واجة ليمنة : ها يولو الدنية بارده ماتحسن بالبرد هذه

خولة : لا يخوي هوه هذا الجو الحلو و سوالف الحلوة تخليك تنسة البروده

اني جنت اباوع لوجهي بالكامره… اجت عيني علي لكيته يباوع ع الاثار و ضام الضحكة

كام وكال : عجل براحتجن محتاجات شي

خولة : اي والله من تجي جيب وياك حلويات
عمر : مو تدللين… كرصها من خدها وطلع

زهراء:  اكلجن تروحن لبيت عمتي هيام
خولة : كال ابوية شوكت نروح

زهراء : اي كال بعد يومين

لمار : يحجن واني صافنة عليهن… اكلجن شنو عدنة عمة واني ما ادري

زهراء : لا يول هاي اصير بنت عمة ابوي… تدرين قبل يكولون جانت عاشكة عمي علي

لمار : تحب ابوية

خولة : اي يول عجل عليش جدي تكاون ويه عمي غير لان ما اخذها و زوج امج

لمار : اي اعرف متعارك ويه ابوية لخاطر زواجة بس ماجنت ادري اصير بنت عمتة

بقينة نحجي لحد ما اتصلت امي ورجعت للبيت
جانت بيبي بعدها كاعده

كعدت اسال بيها علة هذه الموضوع
لمار : بيبي بيت عمي شهاب راح يروحون لكرايبهم اسمها انعام
بسرعه امي كالت : ولج منين عرفتيها