قسوة عاشق

بارت ٣٨

#قسوة_عاشق

الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب

~ قراءة ممتعة ~
📜🤎

بارت طويل تعويض عن التأخير

عمر : جيت الطريق كلة احجي ويه لمار سوالف وضحك حته ماحسيت بطريق شلون جان... من وصلت و ودعت لمار بعدني اسد باب السياره جاني صوت.
نازك : هلا ابن عمي... لتفتت الها بكل عصبيه وغضب
عمر : هااااي انتي شجابج لهين... احنه شنو وصينة
شنو تعاندين

بعدني جاي احجي وطلعت امي
ام خالد : شبيك يمة ويه بنية عمك ها

عمر : يمة نسيتي سوايته هاي شكو جايه... كلام ابوي وين راح

هيه راحت وكفت يم امي و مدنكة وتسمع كلامنة.
ام خالد : اني جبته الهنا... وكلام شهاب عله عيني و راسي... بس اني رايده وحده تخدمني
و ماكو غير نازك تعرفني وتعرف اطباعي

عمر :ليش يمة شعندج وتردين واحد يساعد... شو زهراء شايله البيت كله من جبيره لصغيرة حته امنة موجوده اذا ردتي شي... والحمدلله انتي بعدج بصحتج شنو هاي الخدمة الرايدته بعد وما تجي اله من نازك

ام خالد : جنك نسيت روحك يمة وجاي تحاسبني شني دحكتني جاهله كدامك وجاي تعلمني

عمر : يمة مو اعلمج بس نازك سالفته ماتنسي ولو عله حيات ابوي جان لهاي الساعة ماتوصل لبيتنه

نازك : عمة اذا عمر مارايد جيتي وماحابة اروح اني
... دارت وجه وامي ماخلته تمشي وكالت : يمة اني جبيره هذا البيت شلج غرض بعمر اني جايبتج اليه

عمر : اني ويامن احجي انتم الحجي وياكم ضايع ... خذت جنطتي وصعدت لغرفتي جانت لمار تتصل بس ماجاوبته لان جنت كلش عصبي
تركت الموبايل ودخلت اسبح اريد شوية ارتاح بس منين الكة الراحة... اني من جنت ماعندي شي وياها ما اطيقة شلون هسه وره هاي سالفتة .

اخذت بساعة لحد مارتاحيت يلا خابرت لمار
بعدني ماحاجي شي اجاني سؤالة : عمر هاي نازك مو
عمر : اي

لمار : شـ شنو اني هااا... شعدهه جايه شكو
عمر : حاجيته وامي كالت اريدها تخدمني

لمار : شنو هذا الكلام عمر تخدم عمتي... ليش هيه شنو محتاجة
عمر : مادري مادري لمار كلش معصب من هاي سالفة امي بس شسويلة تكلي اريد تخدمني... ومن حاجيته تكلي تريد تحاسبني... حيرتني وياها خلي يجي خالد واخلي يحاجيه

احس نار وتمشي بدمي... شنو الي يضمن الي ماراح اسوي بعد مكسوره و تذبها براس عمر شلون بهاي المشكلة ماعرف ماريد اخسر عمر بس هوه بقة اليه بهاي الدنيا بقيت محتاره