مقدو فيل زادو فيلة🐘مكتملة🐘

🐘الجزء 35🐘والأخير🐘

〽️مقدو فيل زادوه فيلة〽
✒️Chaimae Zr &Hiba jaouhari

🎶الجزء الخمسة وثلاتون :

جمانة :

بلا أي مقدمات....ا بلاما نعطلكم على شغالاتكم....باسمي ا اسم صاحبتي كنبغي نطلب منكم

السماحة على أي حاجة درتاها ليكم ولا تسببنا ليكم فيها...

أنا فلول كنت غالطة بزاااف ا كنت واخدة عليكم نظرة خايبة هدشي لي خلاني نكره ناس البادية ف لول...

ولكن من بعدما دوزت معااكم هاد ليامات ا تعرفت عليكم... عرفت بلي ناس البادية كرماء كيتميزو بالسخاوة و الطيبة....

مكيحقدووش مكيبقاوش هازيين فقلبهم ...كتمشاو على مبدأ ✨معندناش ا مخاصنااش ⚡...

سعدااء رغم كل المعاناة لي كتعيشوها و النقص...

كلشي سرح مع جمانة وثأترو من كلامها.. كبير ا صغييير...

شوية جمانة عينيها جات ف عينين المرا لي تناتفات معاها...حدا البئر على الماء هخخخ....

نطقاات وتكلمااات...وطلبات منهاا سماااحة..

جمانة:

.كلمة سمحوا ليا قليلة فحقكم...

بغيت نفرحكم و نفوج عليكم ولو شوية...

دونك من جو الحزن و المشاعر و الاحاسيس... للجو الفرح...ا هادي أقل حاجة نديرها فحقكم

ناس دوار مفهمو والو.. بقاو غير كيبحلقو فبعضياتهم.. ...كان كااع دوار لكحط مجموع...عيالات و رجال

في حيين جمانة خدات تيليفونها برونشات الكابلي مع تيليفونها ا مع البيفان...طلقات ليهم أيمن السرحاني خخخ

ناس دواار غير على سبة حتا هوما....كلشي بدا كيشطح كبير ا صغيير... رجالة و عيالات....جمانة خلقات ليهم السعاادة مينكرووش عجبهم الحال

صغير و كبير شارفة وشارف...كغنيو فكلمة
اسااايس سااايس سيااس

طلقااات ليهم من بعد ستاااتي ...كووولشي تفيجط مكاااينش لي مشطحش و فرح...دوار الكحط دخل عليهم السعد و رزق...

داود ا ربيع ا ياقوت جايين علا كرويلتهم متاجهين للدار حتا كيقشعو الحيحة ا الشطيح ا الغبارية  ناايضة جناب الدار...

داود ياله تلفت بغا يسول ربيع ا ياقوت على اشنو واقع زعما....تصدم كيلقا غير ريييح هخخ...

طارو مشاو دخلو وسط جماعة كيجدبو ا يشاليو

جمانة قشعااات داود واقف حدا كرويلتو... مزال مصدووم مسكين هخخ...

قالت فخاطرها هادي هي الفرصة... نقصات الصوت شوية من البيفااان...

جمانة خدات الميكرو ا غوتاات فييه

جمانة: داوووووووووووووووود

ناس دواار كلشي دار جيهت داود كيصحابليهم وقعات ليه شي حاجة...

داود غير كيشوف معرف اش يدير ولا حتا اش يقوول...

جمانة كتلهت : واااش تقبل تزوووووج  بيا !!!؟

       📌النهاية📌
◼️من تأليف: شيماء الزركاوي
             هبة جوهاري..