مقدو فيل زادو فيلة🐘مكتملة🐘

🐘الجزء 34🐘

〽️مقدو فيل زادوه فيلة〽
✒️شيماء الزركاوي & هبة جوهاري...

🎶الجزء أربع و ثلاتون...

🍁فالصبااح 🍁

فاقت جمانة معطلة... نزلات للتحت لقا الفطور فوق الطبلة...

سولات للخدامة على داود ا ربيع ا جمانة...

الخدامة : لالة. بنت سيدي داود ا ربيع فاقو بكري كيف عادتهم ا مشاو للفيرمة

جمانة بصوت خاافت : الحمد لله مغنتلاقاش معاه هاد الصباح.. اصلان باش من وجه غنشوف فيه....

بقات كتمتم غابوحدها..

الخدامة : نعام ا لالة بنت سيدي اش كلتي سمحي ليا مسمعتكش...

جمانة : لاا لااا والو... فينهيا ياقوت
ياقوت : كالت ليا بلي بغات تمشي تخرج شوية ا ترجع ا لالة بنت سيدي...

جمانة : صافي شكرا

جمانة بدلات حوايجها وخرجات ....حتى كتشوف جقلة دناس تقول عيد لعرش

شافت واحد الهوندا جناب دار كبيييرة حالين ليها لباب لوراني حاطين فيه بيفان ا فوق الهوندا دايرين بووق كبييير....

كانت الهوندا كتبيع الماعن دالميكة ا...وكل لوازم الدار..الخ

هاد الهوندا ديما كتحط جناب دار ديال سي نوح .... نظرا لأن دار جات فموقع استراتيجي زييين

.... داكشي علاش الهوندا كتحط جنابها ا تما كيكوون روااج مزيااان

ناس دوار مجمعين على لهوندا و الحيحة نايضة هلي كيقلب واش النوع دالميكة مزيان و لا لا.... هلي غير كمتع فعويناتو ماباغي لا يشري لا واالو.... ا هلي كيتاوا.. المرا تحلف ا مول الماعن يحلف خخخ...

جمانة عجبها الجو كتبتاسم بوحديتها..... استغلاات هاد الوضع ا مشات اتجاه مول الهوندا لي عندو الميكرو بقات كتوشوش ليه ف وذنو..

مول لهوندا عطاها الميكرو... خداتو جمانة حنحنات فيه.. كتجرب فيه واش خدام زعما هخخ...

مول لهوندا :
ا لاالة خداام غير طلقينا للفراجة

نطقات جمانة :

السلام عليكم
حتا واحد من الناس دوار مداها فيها كيهدرو معلابالهمش..

جمانة حنات راسها بتأسف..

جر ليها مول الهوندا الميكرو من إيديها... جمانة بقات غتبحلق فييه...

مول الهوندا : وا ناااس دوار... عطيونا ودنيكم شوية... كي شفتو هاد الطفلة لي واقفة حدايا بغات تخبرنا ب شي حاجة

كلشي كيسمع لييه إلا جوج عيالات معرت فين سارحيين

مول الهوندا : وا لالة طاامو... وا لاااالة عبوووش راه تعاويد مغيهريش سمعو لسيدة اش بغاات تكول ا كملو على حديثكم...

لعيالات حشموا و حدرو ريوسهم...

مول الهوندا عطا الميكرو لجمانة..... جمانة خداتو ا بتاسمات فوجهوو

جمانة : بلا أي مقدمات....

يتبع ......

أرائكم😋🔥