مقدو فيل زادو فيلة🐘مكتملة🐘

🐘الجزء 31🐘

〽️مقدو فيل زادوه فيلة〽
✒️Chaimae Zr &Hiba jaouhari

🎶الجزء الواحد وثلاتون:

بينما كل وحدة كتشكي همها و تخوي فقلبها...

جمانة ثأترات ...حتى ولات كتبكي معاهم...

كانت عندها فكرة مغايرة على ناس لبداية...ولكن دابا تغيرات...

لامت راسها على تفكيرهاا لمرييض ونظرة لكانت واخدة عليهم...

بدات كتفصل وتخيط وشي افكار بداو كطيحوا عليها...قاطع تفكيرها لبنت لي نطقات...

بنت..

صاافي البنات سكتووو علينااا من شكيان مناقصينشاااي ....عييشة سير عالله نشدو شي ميزان نساو لهم...

هزو لعيالات طعارج..و وحدة شادة صينية ولكيسان...وعيشة شادة دربوكة وتغني.....ولبنات كعاودو من وراها...

عييشة...

كورونا ويا كورونا

لبنات...هااا ياكورونا

عيشةة

بسبابك درنا ليكااات

لبنات...هااا يااكورونا

عيشة

يااااو بسبابك درنا كمامة

لبنات...هاااااا ياكورونا

عيشة

كورونا راه ديال صيف

لبنات....هااااياكورونا

عيشة

وكورونا خرجتي علييينا

وكورونا يااو كورونا

هاااو كورونا ولاد لمغريب

كورونا صحاب لجالية

لجالية بيكيتيهم...

لجالية غرقتيها

هاااراا لمطار تسد عليها

لبنات ...هااا ياكوروناا

بقاو كشطحوا ويغنيو...جمانة وياقوت محسوش براسهم تناضوا مشادات تشطحوا و يجددبو...كثرو من لمساخن خخخ

بقااو بشتف هيتف ...ولعيالات كل وحدة حيدات زيفها من شعرها...وتماشي لبنات يتحزموا...سسخنوا طرح بالمعقووول كوولشي ناايض يشطح ويشتف...

ياقوت عطات لكاميرا لواحد لبنت و كتصور فيهم...

مساالاو طرررح...تاختمااتها..واحد شارفة...

حيدات عكافتهااا وضرباتها مع لأرض و نطقات..

شارفة : انا بغييتكم عمركم متخصوا ....زدف(ضربات عكافتها على لأرض)

يتبع...

أرائكم فريزاتي💋
..انا طيراتني شارفة بديك زدف😂😂