مقدو فيل زادو فيلة🐘مكتملة🐘

🐘الجزء 29🐘

〽️مقدو فيل زادوه فيلة〽
✒️Chaimae Zr &Hiba jaouhari

🎶الجزء التاسع ولعشرون:

           •° تتمة•°

جمانة: كيييييك أنقادو كيييك😍

ياقوت شادة على قلبها: شبغيتي عندي ااااختي باغا تقتليني ومزال تامضربت لكحل مع لبيض مع زماني ربيع

جمانة: لن يتزوجكي
..ميقات فيها ياقوت

ياقوت: الالة لفم لي قول زمر يقول ثمر..

بقااو شد ليا نققطع لييك ...من بعد بداو بتحضير لكيكة..

وجدو لمقادير...دارو لغوسيت لقلبو عليها فكوكل...

دخلوها لفران...ضحكوا تابانت ليهم ضرسة لعقل..

شوية تلاشاات لإبتسامة مني شافو حالت لكوزينة...

كانت كلها عامرة دقيق...لبيض مهرس و مرمي فلأرض...شحال ديال لمعامن موسخين..

جمانة بلا مبالات...

جمانة: ياك كاينة ديك لمرا ديال ميناج هي تكلف ...

ياقوت: اه وي علاش حنا نعدبوا راسنا...

خلاو لكيكة طيب فالفران...وكل وحدة مشات دوشات بلخف...

حيدو عليهم ريحة زفوريت البيض و ضقيق من شعرهم...

رجعوا عاود لكوزينة...حلو لفران جبدوا لكيكة لكانت طابت...

ياقوت: اويلي مالها سخفانة

جمانة تتبرك على لكيك ...لكان جيهة طالعة و جيهة نازلة..

ياقوت: نجيب لبومبا نكوفلوها

جمانة: غنعطيها ليك لراس...تفو جات مفشوشة

ياقوت بدات تتشطح بيديها : وهااد جيهة فايقة و هاد جيهة ناعسة

جمانة : لمهم تجربة مزيانة واخا سخفات لمهم هو روح رياضية

ياقوت: روح رياضية لاعبة ماتش ههههههههه

جمانة خدات كونفيتير ديال لفريز..وفيغميسيل..زوقات بيهم لكيكة عطات شوية ديال لمنضر...

هزات طبسيل و ياقوت تابعاها....خرجو عند دراري لي كانو كساينو فيهم...

طلعوا فالكرويلة و تحركوا مقصدين جنان...

يتبع...