جحيم ليلة ديسمبر

البارت الرابع عشر

جحيم ليله ديسمبر
بقلمي انا ... . ﭑلـ نَور

لتنسون التصويت ورداتي والتعليق الحلو بين الفقرات ومتابعه للحساب

وللتواصل
insta : 4lno13

اكبر من احلامي اشوفك
عود هم تصير اليه؟

#محمد_الطالقاني

- عيونها

عيونها دائمآ احسهم يحجن هيه انسانه غريبه حيل

- كل هذا وماتحبها

-اي لانو مشاعري اتجاهه وارتباطي وتعلقي فاق مرحله الحب اني ميت بيها

قطع تفكيري مكالمه سيف واسم رحيل الدخل بنص كلامه خليت اذني يمه منا لما خلص خلصت روحي

- شكو شبيك تصيح يحجي ويأشر بيده انتضر شوي انتبهت اله عاكد حاجبه رفعتله حاجبي بمعنى شكووو اردف بعد ما بعد الجهاز عن اذنه

- خابرت منى اسألها عن رحيل

- جاوبته بـ استغراب ليش شبيها

رجع الجهاز لاذنه واسمع بنيه تبجي وتصيح تعال فدووه

- بسرعه طفر جاي جاي

- لك فهمني شبيك تصيح شصاير

- جاوبني وهو يركض ناحيه السياره .. رحيل تصرخ ومدري شبيها صار ايام

- ركضت اله بسرعه لزمته من جفته وهستوك يله تحجي رجع كمل كلامه وهو يصعد السياره

-عمي متخربط واوراس ميكدر الها وحده اني رايح دير بالك انت بلغ الولد

- بسرعه صعدت بصفه دطيررر لك حـ ***

بعد مده وصلنه بسرعه نزل سيف مهرول سديت السياره ونزلت وراه اول منفتح الباب صارت عيني عـ ود تبجي والعيون حمر بسرعه صعد سيف يندل كل مكان بهالبيت ..

- دخلت للغرفه واني تصنمت بمكاني وعيوني تشوف حالتهه المخربطه الشعر نازل بالكاع العيون حمر دم والوجه مكلوب وردي واحمر من كثر البجي
منطيها جاذبيه حتى بهالحاله هاي وعيوني اكلتها اكل

- حسيت بوقتها دكات كلبي وكفت يمها وبصوت ونينهه لوهله من الزمن تمنيت اصير بمكان اوراس واني اشوفه شلون مقيدها وهيه تحوس بين اديه وتأن بألم حسيت روحي قبل روحها تتألم تمنيت الوجع بيه ولا بيه

- بسرعه طلعت للصاله واني استغفر بصوت

- استغفر الله الذي لا اله الا هو الحي القيوم واتوب

- ود اول مفتحت الباب صعد سيف ركض وراه جهاد لفوك صعدت وراهم بسرعه

واشوف اوراس يباوع عليهم ويسأل بعيونه شجابهم تقدمت ناحيته وهمست بـصوت ناصي