جحيم ليلة ديسمبر

البارت الـ ٢٩

جحيم ليله ديسمبر
بقلمي انا ... . ﭑلـ نَور

لتنسون التصويت ورداتي والتعليق الحلو بين الفقرات ومتابعه للحساب

وللتواصل
insta : 4lno13

♠️♠️♠️♠️♠️

‏اثاري انتَ صلاة غروب
‏تمسح كل ذنب بيه
و آثاري الحيل مِن الكاك
‏يرجع للصغر بيه .

♠️♠️♠️♠️♠️

::- همس بخبث وشيطنه لعد المن اخذ الصور اذا ارفع راسي همس بصوت رايح وأشر بطرف اصبعه على ركبتي ...

::- اريد اعيش بركبتها حياتي ومماتي اهنا

- ابتسمت المصوره ابتسمت لا ارادياً ما اريد ابين اله أنو ضحكت او ابتسمت وياخذه الواهس ضغطت ع ضهره بطرف اصبعي وهمست

- وخر ..

همس ابحه بصوت ذايب

::- وهي المشكله اليعشك عيون كبار
يضل طول العمر ما يدري بيمن ضاع ...

- نزلت عيوني بخجل وابتسامه ع طرف شفتي .. لزم حنجي بـ ايده الحنطاويه رفع راسي صارت عيوني بعيونه ركز الثواني بيهن هايم وكأن ديقرأ التوتر والخوف والحب والحنين كلهن اجتمعن عندي بهاي اللحضه .. همس بحب

::- لا تشيلين عيونج نظراتج حضن ...

- خلصت كل جلسه الصور دخل اوراس وراه منى اخذنا صور جماعية .. وطلعنه اوراس من جهه وجهاد من الجهه ثانيه يمشون ويحششون همس جهاد بخبث

::- اخذتها غصب ع شارب ذاك الواحد

- اوراس .. بنرفزة الله واكبر مو اكسر سنونك اهنا بنص الشارع وتصير مضحكه الاصدقائك والاهل

- صحت بيهم واني عاقجه الوجه .. اي دكافي شلون بلوه هاي يجلطون الواحد يخلونه غصب عنه يحطهم بنص الشارع ويسحكهم بالسياره

- منى .. ضحكو بخفيه ع ردها المليان غضب مبين ضاجت .. اتحركو بدون صوت وصعدنه بالسيارات طلعنه للبيت شويه اوصلنه نزلها جهاد بالحديقه وطلع البيتهم همس بخبث الها قبل لا يطلع

- نص ساعه واعقد عليج مره ثااانيه

- افأفت بضجر واني اگلب عيوني .. اريد ادخل

- انتظريني لا تنتحرين من كثر حبج الي يحلوة

- جاوبته بخبث واني اجفصها .. لو بيدي ما اخليك على ذمتي .. خليت ايدي على حلكي من بعد ما جفصت واشوفه شلون فتح عيونه بصدمه وضحك بصوت عالي همس من بين ضحكاته

- بحب وحنان اووويلي يابه شلون تجفص ... ابوس حلكج اني ..

- منى .. سحبت رحيل منه وحجيت بضحكه عوف البوس ع صفحه خلي بعدين ..

- رحيل .. دخلنه من باب المطبخ استقبلتني امي وخالاتي بالهلاهل وخالتي تهوس ابتسمت على فرحتهن ومنظرهن سحبتني منى من نصهن ودخلتني للصاله كعدتني بالكوشه وعيني ع النسوان والاطفال التركص بفرحه اجت امي من بينهن وعلامات الفرح مرسومه على ملامحها