جحيم ليلة ديسمبر

البارت الـ ٣٦

جحيم ليله ديسمبر
بقلمي انا ... . ﭑلـ نَور

لتنسون التصويت ورداتي والتعليق الحلو بين الفقرات ومتابعه للحساب

وللتواصل
insta : 4lno13

يناغيها ويگُلها عيونچ يخبلن ،
ودگُله خلاف وجهك ريتهن يعمن

:- ركصتلها حواجبي .. رايده افاجئ اخوج

- فتحت عينها شنو ميدري

- هزيت راسي .. لا

- ضربت خدها عزززا ابويه كال راح اخابر سيف

- لا هاي هيه دروحي لتخلين احد يكوله
راحت ركض واني كمت على حيلي اباوع بـ ارجاء الغرفه بتمعن بديت احضر الغرفه وگلبتها فوك جوه حضرت الطاوله وخليت كلشي عليها وموصيه الكيكه من البارحه بيد همسه وعايفتها يمها عفت الاضويه مثل ماهي بس ضفت اضويه خافته وعفت كلشي على صفحه بعد ما كملت خليت تحليل الحمل والاختبار السويته البارحه بزاويه الطاوله عفت كلشي بعد ما خلصت دخلت للحمام اتوضيت وطلعت اصلي واقره ورقه من القران وزياره عاشوراء مثل ما علمنا ابويه خلصت لملمت السجاده وضميتها بمكانها نزلت جوه ساعدت همسه بالعشا

وهمسه اتخبلت عليه كل شوي تكرصني بزندي خبلتني رديت بنتره

- خاب دكافي شلعتي زندي سيف ما مسوي اسوايتج

- غمرتلي بمكر .. ايي مبين يختي

خلصنه العشاء وغسلت المواعين وياها ولو هنه كم صحن بس هم لازم اساعد كعدت حوالي بالساعه وياهم جوه واترخصت منهم للعشره كملت كلشي بالغرفه ع اتم وجه وفتحت شموع معطره وبخرت الغرفه فتحت ضوه خافت باوعت الها نظره اخيره برضا ودخلت للحمام اخذت حمام سريع وبعد مده طلعت ابرنص الحمام فتحت الكنتور باوعت بتمعن واني اگلب بالملابس شلبس شلبس وكعت عيني على فستان ستن لونه ماروني بي اكرستال وكصه الصدر تفاحه يجي الضهر كله مفتوح ويصير طويل والجوانب مفتوح للساق طلعته وبديت ارتب نفسي على اخر حبايه باوعت النفسي برضا لبست كعب اسود وگلادتي وحلقتي والمحابس وكأنما طالعه الحفله

اتصلت عليه رفضاه ثواني ورجع اتصل فتحت الخط وحجيت بمياعه

:- الوووو حبيبييي

:- ياروح حبيبيج

- وينك

- مو كتلج معزوم

- اي اعرف بس شوكت تجي

- ها بويه اشتاقيتي الحضني

- اكيدد

- جايج مسافه الطريق

- انتظرك

سديته منه اوكفت على المرايا اخلي عطر عدلت شعري وطوخت الكحل والحمره لزمت جهازي اگلب بي اتصلت على اهلي خبرتهم بحملي مرت ربع ساعه او اقل النص وفتح الباب دخل مقلص عيونه تركت الجهاز واتقدمت اله