جحيم ليلة ديسمبر

البارت الـ 25 (والاخير) من الجزء الاول

جحيم ليله ديسمبر

بقلمي انا ... . ﭑلـ نَور

لتنسون التصويت ورداتي والتعليق بين الفقرات متابعة للحساب
وللتواصل
insta : 4lno13

الليّل
وازاني وأجيتك
وأشتهيتك نوم
تكيه وأنفضك على روحي

- اوراس.. بغضب اخخ بطني ولج شيطانه شمخليه بالجاي واتقدم ناحيتي يريد يلزمني واني اهنا درب الفلته خليتهم يبجون بالهندي

- صرت بضهر ابويه واركص بحواجبي الهم

- دخل سيف محتقن وجهه وياه اوراس اردف سيف بوجه احمر

- عمي شنيه متصيح عليها

- رد هاي من عمايلكم تستاهلون

- رد اوراس ورافع الحاجب يابه بس ميصير هيج هذا يسموه دلال

- رد بحنيه وهو يحضني حيل الگلبه ويبوس بشعري ويرجع يشمه

- تدلل عـ ابوها شعندي غيرهن اني

- رد بخبث چا انه ابن البطه السوده

- ضحك بصوت وليدي سندي من الله انت

- مخليه راسي عـ صدر ابويه وعيوني عليهم ولو بيد سيف يكوم يحركني بس ابويه واكف بعينه ميكدر هسه بس ادري بي راح يضمهه الي بعدين ..

::- يوم العزيمه الساعه الثانيه عشر ضهرآ

- اباوع بيتنا هوسه عمامي وخوالي ولد عم ابويه ونسوانهم وبناتهم

- ابويه عازمهم اليوم السلامتي ثواب الوجه الله واهل البيت

باوعت الداخل الصاله صبا وامها وي النسوان كاعدات ويبسبسن خزرتهن ورحت للمطبخ واني اهز بيدي

-::- والله يالله ولا عدهن كرامه ناس متريدجن شكو جايات شهالصلافه هاي ما ادري

كعدت عـ كرسي واني اخلي الطرشي بالكوس الصغار واللبن هاي مهمتي الاحبها واخلي بحلكي الطرشي وارجع ليوره همست منى

- عـ هالحاله الطرشي يخلص قبل لا يوصل للخطار

- رديت اوووي هسه اني شأكلت هي وحده قابل كله

-::- منى

اصب بالتمن ود وهمسه يخلن بالحشو وامي تخلي الدجاج عـ التمن والتبسي ابويه الله يحفظه هو واوراس مخلو شي مجابوه من كلشي جايب مثل كل عزيمه عراقيه ولازم تنختم بالبقلاوه والداطلي والزلابيه

دخل سيف وهو يكول

- مرررتي يا مرتي وينج تعالي عوفيهن هنه يشتغلن

- ضحكت عـ سوالفه واهمس شعوفهن خالاتي ممقصرات خطيه وي امي اما ذنيج الخباثه تنكط منهن

- صاح بصوت عيني خطارنه البيت هم بيتجن ميصير الجن اذا ساعدتن